1. Petelo 1:2 - Kishambala New Testament 2005

² Kwa viya, Mulungu Tate avyomitaila kale, azamiṅaza na mpeho yakwe, mdaheitika, kangi mumyaγilwe mpome ya Yesu Kilisito. Mbazi na mpolele ziisiize kuγenela kwenyu!

1. Petelo 1:2 ပူးပေါင်းရင်းမြစ်များ

Mateyo 24:22

Ati mishi ija nkaidwishiγwa, anga nkakuna muntu mwehona; miya kwa mbuli ya waja washaγulwewo ija mishi yadwishiγwa.

Mateyo 24:24

Hambu Wakilisito wa ulongo na wateγanyi wa ulongo watazainuka, watazaγoshola vilozo na vimaka vikulu, waazaγanye, ati vyadahikana, hata waja washaγulwewo.

Mateyo 24:31

Ne atatuma walau wakwe, waitozize magunda makulu, waunganyanye waja washaγulwewo ndiye wakiwalavya kwe nyazu zoshe, mpeho ihokalawa, kuandiila lwingu lukoandiila mpaka kuja lukohelela.

Maliko 13:20

Ati Zumbe ashedwisha ija mishi, anga nkakuna muntu mwehona. Miya kwa mbuli ya waja washaγulwewo, ashaγulewo ṅwenye, azaidwisha ija mishi.

Maliko 13:22

Hambu Wakilisito wa ulongo na wateγanyi wa ulongo watazainuka, waγoshole vilozo na vimaka, waazaγanye, ati vyadahikana, hata waja washaγulwewo.

Maliko 13:27

Ne ndiho nezeatume walau, waimganyanye waja washaγulwewo ndiye, wakiwalavya kwe nyazu zoshe, mpeho ikokalawa nako, kuandiila shi ikohelela mpaka kuja, lwingu iuhitileko kwa helela.

Luka 18:7

Mulungu ashevunile washaγulwewo ndiye, wemkemela kilo na mushi? Atazunganya mbuli yawe?

Ntuṅwa 15:18

Ne avyolonga Zumbe alekileye, ivi vikitailikana aho kale hoshe.

Ntuṅwa 2:23

Uyu Mulungu azamfanyanyiza aho kale ndimayakwe na kumshengela mhaka kwaviya, avyotaila mbuli zoshe; kwa ivyoho muzamγuwa mkimwinkwa ni mikono ya wahambanyi, muzamkontela mwe muti, muzamkoma.

Ntuṅwa 20:32

Ivi lushe namiinkila na kwa Zumbe kwa mbuli ya mbazi yakwe yedaha kumizifya na kuminka chiya kifu haṅwe na waja woshe waṅaziγwewo.

Waloma 1:5

Uyu ne atifileye mbazi, akitigimbika ntuṅwa, kuunga tihinye wamzimu wosheni kuitika na kutozesha, kangwe zina jakwe jigimbikwe.

Waloma 1:7

Nyoshe mwe uko Loma, mwekundishiγwa ni Mulungu, mweitangilwa, mγaluke waṅazi: Mbazi imiikaile na mpeho yeanduka kwa Mulungu Tate na kwa Zumbe Yesu Kilisito!

Waloma 11:2

Mulungu nkabentile mbali yakwe, azangileyo kale, hambu nkamtaila, ugondengwa uvyolonga na kanwa cha Eliya, uyu avyomkemela Mulungu kwa mbuli ya Waisilayeli akiγamba:

Waloma 11:28

Kwa viya wavyobela ulaungwa, ni wankulu kwa mbuli ya inywi, miya kwa viya washaγulwavyo, ni waombozi kwa mbuli ya waishe zawe,

Waloma 15:16

kangwe nimtumikile Kilisito Yesu ndima ya wamzimu nikibilikila kiṅazi ulaungwa wedi wa Mulungu, kangwe tulo, wamzimu wajomwiγaila, jimtamile Mulungu jikiṅazwa ni mpeho ṅazi.

Waloma 16:19

Kuitika kwenyu kuzamanyika koshe koshe, kwa mu mbuli natamilwa ni nywiyo, miya nakunda, mtende viyuγo, mzifye mbuli, kangi mtende ubabashi wa myoyo, mshebane.

Waloma 16:26

vyefumbulwa mishi mu ni baluwangwa za wateγanyi kwa mulomo wa Mulungu ywetu mkalami, kangwe mbali zoshe zihinyiγwe kuitika haṅwe na kutozesha.

Waloma 8:13

Hambu mkianga kimuntu, mwafa; miya mkikoma kwa nguvu ya mpehongwa ndima za mili yenyu mtakalama.

Waloma 8:33

Ndiye afyalime wazangiγwewo ni Mulungu, ni ndai? Mulungu ne mwewakanila.

1. Wakolinto 1:30

Kwakwe ne mkoanduka nako hata inywi mwena Kilisito Yesu. Uyu ne viyuγo vyetu vya Kimulungu na utanda na uṅazi na ukombozi, kangwe vigondiγwevyo vibontoke kuti:

1. Wakolinto 6:11

Kangi inywi kuṅwe ne mulivyo. Miya mzahakwa, mzaṅazwa, mzainkwa utanda na zina ja Zumbe Yesu Kilisito na kuinkwa mpeho ya Mulungu ywetu. Mshetongeie kilanga kuti mu madango ya Kilisito.

2. Wakolinto 10:5

ati ni kubunkula ntongonyezi na mahiku yoshe yeinukila utalizi wa Mulungu, ati ni kutaha fanyanyi zoshe, zimwitike Kilisito.

Wakolose 3:12

Inywi waṅazi, mshaγulwewo ni Mulungu, mwekundishiγwa ndiye, tendai utungu wena mbazi, ukuwi,

2. Watesalonike 2:13

Ishwi vyatiagiza kumlaviliza Mulungu ntogolo mishi yoshe kwa mbuli ya inywi wanduγu, mwekundishiγwa ni Mulungu, kuti Mulungu azamishaγula aho kale, mhonyiγwe, mṅaziγwe ni mpehongwa, mtozeshe vye kweli.

2. Timoteyo 2:10

Ne nihozizimiza vyoshe kwa mbuli ya waja washaγulwewo, kangwe nezewaonele wohena uja uhonya we mwe Kilisito Yesu na utana wa kale na kale.

Tito 1:1

Imi Paulo ni mtuṅwa ywa Mulungu, kangi ni ntuṅwa ya Yesu Kilisito, sa waja washaγulwewo ni Mulungu wavyotozesha kwa viya, wavyotaila vye kweli;

Waebuleyo 10:22

Netimtimile na myoyo ye kweli, yeisiiza kutozesha, ihoziγweyo na mpomengwa, kuti nkaitaila mbuli mbada vituhu, kangi mili iihakiγwe na mazi yeengemala.

Waebuleyo 11:28

Kwa mitozesheze yakwe azabinda Pasa na kushisha mpome, kangwe mtakukoma wana nteluka ashewadowe wenye.

Waebuleyo 12:24

Hata Yesu mwetiletela kilaγa kihya mzamubwila na mpome ya hozeza yelonga na nguvu kuzinka mpome ya Abeli.

Waebuleyo 5:9

Mbuli yakwe ikibontoka, lushe woshe wemwitika azawaγalukila chandusho cha uvunizi wekalama,

1. Petelo 1:14

Sa wana weitika msheange na luja luzisho lwenyu lwa aho kale, ndiho mkiikala tumala!

1. Petelo 1:19

miya mkombolwe na mpome yena kima, ni ya Kilisito, kwa viya avyo ṅwangolongwa ishiyo masa, ishiyo kilema.

1. Petelo 1:20

Kweli aivifanyanyiziγwe viya, ngulu ngima ishizati iumbiγwe, miya alawile mishi inu ya nyuma kwa mbuli ya inywi.

1. Petelo 1:22

Ṅazai myoyo yenyu mkiitika mbulingwa ye kweli, mkundishane na kushehenya, mwisiize kukundishana kwa moyo kila muntu na ṅwiyae!

1. Petelo 2:9

Miya inywi mu chengo chishaγulwecho, mu wavikizi wa kizumbe, mu bumba ṅazi, mu mbalingwa yena ṅwenye, kangwe muhilikile viya vitana vya yuja, ndiye akimiitanga, mulawe mwe lwiza, mwingile mwe langaila jakwe jemasha.

2. Petelo 1:2

Mbazi na mpolele ziγenyeziγwe kwenyu aho mkimtaila Mulungu na Zumbe ywetu Yesu Kilisito!

2. Yohana 1:1

Imi mγolokezi namgondela baluwa mke zumbe ashaγulweye na wanae, niwokundisha kweli; kangi si miyo ike, hata woshe wetaila mbuli ya kweli.

2. Yohana 1:13

Wana mkuluwo ashaγulweye wakuluγusha! Amini.

Yuda 1:2

Mγenyezeziγwe mbazi na utondolo na lukundisho!