Zabuli 99:3 - Biblia Kikutu

³ Wanhu waditogole twaga jake kulu da kudumbiza, heyo ayo yong'ala.

Zabuli 99:3 ပူးပေါင်းရင်းမြစ်များ

Zabuli 100:4

Ingileni mmilango yake kwa kushukulu, kuuluwa lwake kwa kumtogola, mtogoleni na mdigwelele nhogolwa twaga jake.

Zabuli 103:1

Gweye moyo wangu, mtogole Mndewa Imulungu, vose vili mgati yangu ditogoleni twaga jake ding'ala.

Zabuli 111:9

Kawakombola wanhu zake, katenda nao lagano dikalaga milele. Twaga jake ding'ala na dodumbigwa.

Zabuli 145:17

Mndewa Imulungu kana haki mnzila zake zose, na kotamaniligwa na viumbe vake vose.

Zabuli 66:3

Mulongeleni Imulungu, “Sang'hano zako za unzonza! Nguvu zako zibanza ng'hani, mbaka iwanhu okwihila oidulika na kudumba.

Zabuli 76:1

Ako mwiisi ya Yuda Imulungu kojuwigwa, twaga jake kulu mwiisi ya Izilaeli.

Zabuli 76:12

Heyo kokanha loho za watawala, heyo kodumbigwa na iwandewa wa isi yose.

Yohana 17:11

Sambi nokwiza kumwako, sili mwiisi kabili lakini awo wa mwiisi. Tata Ung'alile, weke goya kwa udahi wa twaga jako diunigwelele wadahe kuwa kinhu kimoja kamba vija gweye na niye vitwili kinhu kimoja.

Kumbukumbu 28:58

“Kamba hamzigoga goya mbuli zose za malagizo gano gandikigwe mna ikitabu kino, na kamba hamdidumba ditwaga dikulu na da kudumbiza da Mndewa Imulungu, Imulungu wenu,

Kumbukumbu 7:21

Avo, sikumuwadumbe kwavija Mndewa Imulungu, Imulungu wenu kahamoja na mweye. Heyo kana udahi na nguvu.

Yoshua 24:19

Lakini Yoshua kawalongela iwanhu, “Mweye hamudaha kumsang'hanila Mndewa Imulungu, kwavija heyo Imulungu kang'ala, heyo Imulungu yeli na migongo, honda yagagele kumgongo gehile genu hebu nzambi zenu.

Ugubulo 4:8

Viumbe avo vine vili na ugima vikala na mabawa sita kila kimoja, gamemile meso kunze na mgati. Kuduhu kubwihila, imisi na ikilo vokwimba, “Kang'ala, kang'ala, kang'ala, Mndewa Imulungu yeli na Udahi wose, yakalile baha, yeli baha, na yonda yawe baha.”

1 Samweli 2:2

“Kuduhu yang'alile kamba Mndewa Imulungu, kuduhu yoyose kubanza heyo, kuduhu dibwe kamba Imulungu wetu.