2 Mndewa Imulungu mkulu ako Sayuni, na heyo kauchanha ya iwanhu wa isi yose.
Kotawala uchanha ya iwanhu wa isi zose, ukulu wake uvika uchanha kuulanga.
Kawanamiza iwanhu wa isi ziyagwe hasi yetu, wanhu wa isi ziyagwe wa hasi ya magulu getu.
Imulungu kotawala iwanhu wa isi zose, Imulungu kakala uchanha ya kigoda chake cha undewa king'ala.
Kulawa Sayuni, hanhu hatelele kwa unovu, Imulungu komwemwesa.
Heyo kotawala kwa udahi wake milele, meso gake kowalola iwanhu wa mwiisi, iwanhu omulema sambi wenuke.
Kwavija gweye Mndewa Imulungu ayo ukala uchanha, uchanha ng'hani kubanza isi yose, gweye kwa mkulu ng'hani kubanza imilungu yose.
Mndewa Imulungu honile dihile kwa wana wa Yakobo, Vivija honile ndwagi kwa Waizilaeli. Mndewa Imulungu kahamoja na hewo, Na hewo omtogola kamba Mndewa wao.