Zabuli 92:9 - Biblia Kikutu

⁹ Gweye Mndewa Imulungu, wanhu okwihila obanangwa, wose otenda gehile opwililika.

Zabuli 92:9 ပူးပေါင်းရင်းမြစ်များ

Zabuli 1:4

Iwanhu wehile haweli vivo, lakini waigala na mipepe ihembeluswa na beho.

Zabuli 102:13

Gweye mwenyego kokwima na kojonela bazi buga da Sayuni, kwavija ayo saa ya kujonela bazi, kipindi kikigwe kivika,

Zabuli 102:25

Aho haichanduso kusimika mhanda za isi, na ulanga sang'hano ya makono gako.

Zabuli 37:20

Lakini iwanhu wehile opotela, awo omwihila Mndewa Imulungu onyala kamba maluwa, na osegela kamba yosi.

Zabuli 59:11

Sikuuwakome, buleavo iwanhu zangu oisemwa vuuwakoboze. Kwa udahi wako uwatende tanga nzulule na uwabwanhe hasi, gweye Mndewa ayo ngao yetu.

Zabuli 68:30

Mkomhokele munhu yokwihila yeli kamba mnyama yokala kudilolo, heyo kamba bumbila da ng'ombe mbigalo hagati ya ng'ombe wana. Wabojoge na wakugalile vihande va shaba. Wapwililise iwanhu wa isi onogelwa na ng'hondo.

Zabuli 73:27

Wose okala kutali na gweye obanangwa, kowabananga wose hawakutamanila gweye.

Zabuli 89:10

Gweye kudihonda dizoka Lahabu kamba imoja wa iwanhu wachinjigwe, kwa mkono wako wenye nguvu kuwapwililisa iwanhu okwihila.

Zabuli 97:9

Kwavija gweye Mndewa Imulungu ayo ukala uchanha, uchanha ng'hani kubanza isi yose, gweye kwa mkulu ng'hani kubanza imilungu yose.

Walawi 26:33

Nowapwililisa mziisi ziyagwe na mokomigwa kwa misime, isi yenu yokuwa vihame na mabuga genu gonangika.

Kupetigwa 10:35

Kila kipindi sanduku vidinuligwe ili wasegele, Musa kalonga, “Inuka, gweye Mndewa Imulungu, uwapwililise iwanhu okwihila, na uwatende wakimbile kuulongozi wako.”

Matayo 7:23

Abaho nowalongela, ‘Ka, mweye siwajuwile bule. Segeleni kumwangu, mweye wanhu mutenda gehile!’

Luka 19:27

Na sambi, waja wanihile, ondema niye niwe mndewa wao, wagaleni hano, muwakome bahano mgameso gangu!’ ”

Luka 21:24

Wayagwe okomigwa kwa panga, na wayagwe osoligwa na kugodekigwa mziisi zose, na wanhu haweli Wayahudi odihondahonda buga da Yelusalemu, mbaka kipindi chao vonda kimale.

Kumbukumbu 28:64

“Avo Mndewa Imulungu kowapwililisa mziisi zose, kulawa mwambu uno wa isi mbaka mwambu uyagwe na kuko moitambikila imilungu iyagwe ya mibiki na mibwe, imilungu ayo hamuijuwile mweye hebu iwahenga zenu.

Wasemi 5:31

Go, Mndewa Imulungu, iwanhu okwihila wapotele! Lakini awo okunogela gweye wawe kamba zuwa, vidilawa na kumwemwesa ng'hani!” Isi ikala itindiwale kwa miyaka malongo mane.