Zabuli 81:8 - Biblia Kikutu

⁸ Mweye wanhu zangu tegelezeni na niye nowazuma, maza mnitegeleze niye mweye Izilaeli.

Zabuli 81:8 ပူးပေါင်းရင်းမြစ်များ

Zabuli 50:7

“Tegelezeni mweye wanhu zangu, na niye nolonga, gweye Izilaeli na niye nowasindila. Niye ayo Imulungu, Imulungu wenu.

Zabuli 81:13

Maza wanhu wangu wanitegeleze, maza iwanhu wa Izilaeli wahakweleleze nzila zangu,

Kulawa 15:26

Kawalongela, “Kamba monitegeleza goya niye Mndewa Imulungu wenu kwa kutenda ganogile mgameso gangu, na kugoga Malagizo gangu, na niye siwakoboza bule kwa mitamu iniwagalile Wamisili. Kwavija niye ayo Mndewa Imulungu niwahonyaga mweye.”

Kulawa 17:7

Kahakema hanhu aho Masa na Meliba, kwavija Waizilaeli waiyalala na wamgeza Mndewa Imulungu, viwalongile, “Vino kweli Mndewa Imulungu kahamoja na siye?”

Kulawa 19:16

Imitondo siku ya kadatu kukala na ng'huwa na mimwesa na wingu kulu dilawilila kulugongo, na sauti ng'hulu ya mhalati ihulikigwa. Wanhu wose mna ing'hambi wagwaya kwa bwembwe.

Kupetigwa 20:13

Mazi gago gakemigwa Meliba kwavija hanhu aho Waizilaeli wamuyalalila Mndewa Imulungu na heyo kailagusa kamba kang'ala hagati yao.

Yohana 3:11

Nokulongela ukweli, tolonga kija tukijuwile tosimulila acho tuchonile, lakini haduhu munhu yoyose kumwenu yotogola usenga wetu.

Sang'hano 20:21

Niwazuma ng'hani Wayahudi na wanhu haweli Wayahudi wazileke nzambi zao na wambwelele Imulungu na kumtogola Mndewa wetu Yesu.

Kumbukumbu 32:46

kawalongela, “Zikeni mmizoyo yenu mbuli zose ziniwagwelele lelo. Molondigwa muwalongele wanenu ili wazigoge kwa kutamaniligwa mbuli zose za malagizo gano.

Kumbukumbu 5:27

Gweye uchole behi, ukategeleze gose goyolonga Mndewa Imulungu, Imulungu wetu, abaho utulongele gose gonda yakulongele. Siye togategeleza na kugagoga.’

1 Yohana 5:9

Tobokela usindila wa wanhu, lakini usindila wa Imulungu ubanza ng'hani, na kasindila vino mbuli ya Mwanage.