Zabuli 7:8 - Biblia Kikutu

⁸ Go Mndewa Imulungu, uwatagusaga iwanhu, Go Mndewa Imulungu, unitaguse kamba haki yangu viili, na kamba vizili nzila zigoloke mgati mmwangu.

Zabuli 7:8 ပူးပေါင်းရင်းမြစ်များ

Mwanduso 18:25

Sigesa kamba kotenda vivo, kuwakoma wanhu wanogile hamoja na wanhu wene nzambi! Havidahika bule, kwavija msemi wa isi yose kolondigwa yataguse goya.”

Mwanduso 31:53

Imulungu wa Abulahamu na Imulungu wa Naholi na Imulungu wa tatao, watutaguse.” Avo Yakobo kaiduwila kwa twaga da Imulungu iyamtendile tatake Isaka yamdumbe.

Zabuli 11:4

Mndewa Imulungu ka mng'anda yake ing'ala, kigoda cha undewa cha Mndewa Imulungu cha kuulanga, kwa meso gake kowalola iwanhu, na kojuwa gose gotendigwa.

Zabuli 25:21

Ganogile na haki vinikalize, kwavija nokutamanila gweye.

Zabuli 26:1

Mndewa Imulungu, uwalihe, kwavija nikala bila kitala, nikutamanila gweye bila kunyawanyawa.

Zabuli 26:11

Lakini niye nokala kwa moyo unogile, unyonele bazi na unikombole.

Zabuli 41:12

Mna ukunoga kwangu kunigangamiza, leka nikale kuulongozi wako milele.

Zabuli 43:1

Go Imulungu, unitaguse, nigombele mbuli ya iwanhu wa isi hawamdumba Imulungu, unikombole na iwanhu wavizi na wehile.

Zabuli 78:72

Na Daudi kawasusila kwa moyo unogile, kwa mikono ya ufundi kawalongoza.

Zabuli 82:1

Imulungu kolongoza mting'hano mkulu, hagati ya imulungu iyagwe heyo kotagusa.

Zabuli 9:8

kowatagusa iwanhu wa mwiisi yose kwa haki, kowatawala iwanhu kamba viilondigwa.

Zabuli 96:13

kuulongozi wa Mndewa Imulungu yokwiza, ona heyo kokwiza yaitaguse isi. Koitagusa isi yose kamba viilondigwa, na iwanhu wose kwa kweli yake.

Zabuli 98:9

kuulongozi wa Mndewa Imulungu, yokwiza yaitaguse isi yose. Koitagusa isi yose kwa haki, na iwanhu wose wa mwiisi kamba viilondigwa.

Nongezi 19:1

Vinoga kwa mkiwa yogenda mnzila igoloke, kubanza mbozi yolonga mbuli hazifaya.

Sang'hano 17:31

Kwavija Imulungu keka siku dimoja donda yawataguse wanhu wose wa mwiisi bila kumonela munhu kubitila munhu iyamsagule. Imulungu kawalagusila mbuli ino kwa kumzilibula munhu ayo kulawa kwa wafile!”

2 Wakolinto 1:12

Siye toigodela kinhu kimoja, mizoyo yetu yotulongela vitukala mwiisi ino, ng'hani ng'hani vituilumba na mweye, kwa kung'ala na ukweli kulawa kwa Imulungu. Tutenda vivo siyo kwa kulongozigwa na nzewele za wanhu wa mwiisi, lakini kwa ng'hekewa ya Imulungu.

1 Wasesalonike 2:10

Mweye wenyego muyona mbuli ino, na Imulungu vivija kaijuwa, siye vitung'alile na vitukalile goya bila kubananga kumwenu mweye mumtogole Kilisito.