Zabuli 7:3 - Biblia Kikutu

³ Go Mndewa Imulungu, Imulungu wangu, kamba niye nitenda mbuli ino, kamba nitenda gehile kwa makono gangu,

Zabuli 7:3 ပူးပေါင်းရင်းမြစ်များ

Zabuli 22:12

Iwanhu wehile wanizunguluka kamba ng'ombe mbigalo, wanimemela kamba ng'ombe mbigalo weli na nguvu kulawa ako Bashani.

Zabuli 22:20

Uhonye ugima wangu na sime, uhonye ugima wangu unogile kulawa kwa iwaumbwa wano.

Zabuli 59:3

Lola, oifisa olonda kunikoma, iwanhu wasede ogala migomvi kumwangu, hamoja niye sitendile nzambi hebu gehile, go Mndewa Imulungu.

Zabuli 66:18

Maza nifisile gehile mmoyo wangu, Mndewa sambi yanitegeleze.

Yoshua 22:22

“Ayo imdaha gose, Imulungu, Mndewa Imulungu. Ayo imdaha gose, Imulungu, Mndewa Imulungu. Heyo kojuwa habali tutendile vivo, na iwanhu wose wa Izilaeli vivija ojuwa. Kamba mbuli ayo ya kumulema hebu ya kuleka kumtegeleza Mndewa Imulungu, avo mtukome lelo.

1 Samweli 20:8

Avo unhendele ganogile kwavija kwika lagano na niye msang'hanaji wako, haulongozi wa Mndewa Imulungu. Lakini kamba kuna mbuli ihile inhendile ng'home gweye mwenyego. Habali ungale kwa tatako ili yang'home?”

1 Samweli 22:13

Sauli kamulongela, “Habali gweye na Daudi mwanage Yese, momhelemba? Habali kumgwaa magate na sime abaho kumpulila kwa Imulungu? Kwavija lelo kanihinduka na konipelemba.”

1 Samweli 22:8

Habali mweye mose monihinduka? Kuduhu hata munhu imoja kumwenu yanongele kipindi mwanangu kokwika lagano na mwanage Yese. Kuduhu hata munhu imoja yailumbile na niye hebu kunilongela kamba mwanangu mwenyego komtaza msang'hanaji wangu Daudi, mbaka viili lelo komhelemba?”

1 Samweli 24:11

Lola tatangu, ino imhindo ya kiwalo chako ili mumkono wangu, ng'hana mhindo ya kiwalo chako lakini sikukomile bule, sambi kojuwa kamba niye sili munhu nihile kumwako hebu kukulema. Niye sitendile kinhu kihile kumwako ila gweye konipelemba unikome.

1 Samweli 24:9

Daudi kamulongela, “Habali kowatogolela wanhu iwokulongela kamba niye nolonda kukukoma?