Zabuli 68:3 - Biblia Kikutu

³ Lakini iwanhu wanogile wadeng'helele, wadeng'he kuulongozi wa Imulungu, wadeng'helele na kutowa ng'henze.

Zabuli 68:3 ပူးပေါင်းရင်းမြစ်များ

Zabuli 21:1

Go Mndewa Imulungu, mndewa kodeng'helela kwa nguvu zako, kodeng'helela ng'hani kwavija kumkombola.

Zabuli 32:11

Mdeng'heleleni Mndewa Imulungu, deng'heleleni mweye iwanhu wanogile, toweni ng'henze za deng'ho, mweye iwanhu muli na mizoyo inogile.

Zabuli 37:20

Lakini iwanhu wehile opotela, awo omwihila Mndewa Imulungu onyala kamba maluwa, na osegela kamba yosi.

Zabuli 43:4

Abaho nochola kuupango wa nhosa wa Imulungu, heyo konigwaa deng'ho na konitenda niseke. Nokushukulu kwa bango gweye Imulungu, Imulungu wangu.

Zabuli 58:10

Wene haki odeng'helela wahawona wehile obwezelwa, na oibojoga damu ya iwanhu wehile.

Zabuli 64:10

Wanhu wanogile wadeng'helele kwa Mndewa Imulungu, na wamkimbilile heyo. Wanhu wose wanogile omtogola heyo.

Zabuli 75:4

Kwa iwanhu oitapa nolonga, ‘Sikumuitape kabili,’ kwa iwanhu wehile nolonga, ‘Sikumwinule mhembe zenu.

Zabuli 97:12

Mweye wene haki mdeng'heleleni Mndewa Imulungu, na mditogole twaga jake ding'ala.

Kumbukumbu 12:12

Ako modeng'helela kuulongozi wa Mndewa Imulungu, Imulungu wenu, mweye hamoja na wanenu wa ikimbigalo na wa ikitwanzi na wasang'hanaji zenu wa ikimbigalo na wa ikitwanzi na Walawi iwokala hamoja na mweye kwavija hewo wabule isi ili yao wenyego wala uhazi.

1 Wasesalonike 5:16

Mudeng'helele siku zose,

1 Petulo 1:8

Hamoja hamnamona lakini momnogela na vivija momtogola hamoja sambi hammona na modeng'helela kwa deng'ho kulu hadidahika kulongeka,

Ugubulo 18:20

Ulanga, deng'helela mbuli ya kunangika kwake. Wanhu wa Imulungu na watumigwa na watula ndagu, deng'heleleni! Kwavija Imulungu kaditagusa mbuli ya gaja gayasang'hane kumwenu.

Ugubulo 19:7

Tudeng'helele na kusekelela, tumgwee ukulu! Kwavija kipindi cha zengele da Mwanang'hondolo kivika, na mtwanzi yosoligwa katandigwa mbe.