2 Ditogoleni twaga jake, mumgwee heyo nhogolwa.
Nani yodaha kuzilonga sang'hano za Mndewa Imulungu? Nani yodaha kuzilonga nhogolwa zake zose?
Avo, wamshukulu Mndewa Imulungu kwa unogelo wake hawishaga, na unzonza wake kwa iwanhu wose.
Wamulavile nhosa za kumshukulu, na wazilonge sang'hano zake kwa nyila za deng'ho.
Mwimbileni nhogolwa heyo yakwelile kuulanga wa uchanha, ona ulanga wa milele, heyo koduma kwa sauti ng'hulu.
Mndewa Imulungu, Imulungu wa Izilaeli yatogolwe, heyo yaiyeka yotenda mbuli za unzonza.
Imulungu mkombola wetu ututaze, mbuli ya ukulu wa twaga jako, tukombole na uzigele kumgongo nzambi zetu mbuli ya twaga jako.
Abaho nihulika kila kinhu kiumbigwe kuulanga, mwiisi, hasi kowochola wanhu wafile, mbahali na vose vili mumo, vilonga, “Kumwake ayo yakalile mkigoda cha undewa na kwa Mwanang'hondolo, wabokele nhogolwa na kutegelezigwa na ukulu na udahi, siku zose!”
