Zabuli 53:5 - Biblia Kikutu

⁵ Avo ogwaya kwa bwembwe, hata kamba haduhu kinhu cha kudumba. Imulungu kaipwililisa imizege ya iwanhu wakuvamile, gweye kowatenda wakone kinyala, kwavija Imulungu kawabezeli.

Zabuli 53:5 ပူးပေါင်းရင်းမြစ်များ

Nongezi 28:1

Wasang'hana gehile okimbila kuno hawakimbizigwa na munhu, lakini wene haki magalu kamba simba.

Walawi 26:36

“ ‘Na wayagwe onda wasigale, nowatenda wadumbe kuko mziisi za wanhu owehila na okimbila hata lusanze luhembelusigwa na beho. Okimbila kamba munhu yokimbila ng'hondo. Okimbila na kugwa hata kamba kuduhu munhu yowawinga.

Walawi 26:17

Niye nowahindusila kisogo, na mweye motoigwa na wanhu owehila, motawaligwa na wanhu owehila. Mosinhusigwa na kukimbila hamoja kuduhu munhu yowawinga.

Zabuli 141:7

Mizege yao yopwililisigwa kuzimu, kamba ngodi zituligwe vihande vihande!

1 Samweli 14:15

Wakalizi wose wa Wafilisiti wengilwa bwembwe, wakalizi wakalile kuing'hambi, wakalizi wakalile kunze na wakalizi wakalile mvilingo na ivibumbila vicholile kuvamila wanhu, na isi yose igudaguda na ikala na bwembwe.

Zabuli 73:20

Kamba nzozi munhu viyolamuka, vivo vuwinuka gweye Mndewa, kowasegesa kamba nzozi.

Zabuli 40:14

Wose ozahila kuusegesa ugima wangu, wagwe kinyala na kugazwa, wose olonda niye nigaye, wabwezigwe kuchugu kwa kinyala.

Zabuli 35:26

Wagwe kinyala, waumbuke hamoja, awo odeng'helela mbuli zangu vizichola vihile. Wagwe kinyala na kugaya awo oikweza kumwangu.

Zabuli 35:4

Waleke wagwe kinyala na wabezigwe, awo okweleleza ugima wangu. Wabwele kuchugu kwa kinyala, awo ogelegeza gehile kumwangu.

Zabuli 14:5

Baho wengilwa na bwembwe, kwavija Imulungu kahamoja na iwanhu otenda ganogile.

Zabuli 2:4

Heyo yokala kuulanga koseka, Mndewa kowabezeli vuwogelegeza.