Zabuli 53:1 - Biblia Kikutu

¹ Mbozi kolonga mmoyo wake, “Kuduhu Imulungu.” Wose wanangika, otenda gaja gogevuza, haduhu hata imoja yotenda ganogile.

Zabuli 53:1 ပူးပေါင်းရင်းမြစ်များ

Zabuli 10:11

Kolonga mmoyo wake, “Imulungu kaisemwa, kaifisa kihanga chake, na halola kinhu!”

Zabuli 10:13

Habali imunhu yehile yambezeli Imulungu na kulonga mmoyo wake, “Honda yanikeme nimpetele zinhendile.”

Zabuli 10:4

Munhu yehile, koitapa na hamzahila Imulungu, heyo kogelegeza, “Haduhu Imulungu.”

Zabuli 10:6

Kogelegeza mmoyo wake, “Haduhu kinhu chonda kingaze, sigaya bule muugima wangu.”

Zabuli 88:1

Gweye Mndewa Imulungu unikombole, nilila kuulongozi wako imisi na ikilo.

Zabuli 92:6

Zozolo hadaha kujuwa kinhu, mbozi hadaha kujuwa gano,

Matayo 5:22

Lakini niye nowalongeleni munhu yoyose yomwihila ndugu yake kotagusigwa. Munhu yoyose yombeza ndugu yake kolondigwa yagaligwe kukitala, na munhu yoyose yomkema ndugu yake, ‘Mbozi!’ ayo kolondigwa yengile muumoto wa jehanamu.

Luka 12:20

Lakini Imulungu kamulongela, ‘Gweye kwa mbozi! Kilo cha lelo noulonda ugima wako, abaho vinhu vose vino viuikile vokuwa va nani?’ ”

Walumi 1:21

Wamjuwa Imulungu, lakini hawamgwaa ukulu, hebu kumgwaa nhogolwa, magesa gao gamema ubozi, mizoyo yao imema ziza.

Walumi 1:28

Kwavija wanhu awo walema kumjuwa Imulungu kwa nzewele zao, Imulungu nayo kawaleka wakweleleze nzewele zao zihile, nao wasang'hana mbuli zigomesigwe kusang'hanwa.

Waefeso 5:12

Mbuli zitendigwa kwa kinyelegezi, zogela kinyala kuzilonga.

Kumbukumbu 12:31

Sikumumtambikile kamba vivo Mndewa Imulungu, Imulungu wenu, kwavija kila kinhu kimgevuza Mndewa Imulungu, hewo waitendela imilungu yao, na vivija wawasoma moto wanao wa ikimbigalo na wa ikitwanzi ili kuitambikila imilungu yao.

1 Petulo 4:3

Kwavija baho umwaka kwa kipindi kitali mukala motenda mbuli ziwotenda wanhu hawamjuwile Imulungu. Mukala kwa ugoni, kusulukila, kukoligwa, nyimwilinyimwili za kung'wa ng'hani na kuvitambikila vinyago vigevuza.