Zabuli 51:6 - Biblia Kikutu

⁶ Gweye konogezwa na kweli ilawa mmoyo, mgati mmoyo wangu konifunza ubala.

Zabuli 51:6 ပူးပေါင်းရင်းမြစ်များ

Zabuli 15:2

Imunhu yokala bila vitala na yotenda ganogile, na kolonga ukweli mmoyo wake,

1 Samweli 16:7

Lakini Mndewa Imulungu kamulongela Samweli, “Sikuulole kihanga chake hebu utali wake, niye nimulema kwavija niye sitenda kamba viwotenda wanhu. Wanhu olola lukuli lwa kunze lakini niye nolola mgati muumoyo.”

1 Petulo 3:4

Lakini unovu wenu olondigwa uwe muumoyo unogile, unovu uleka kuvulala na moyo wa uhole, unovu uno ofaya ng'hani mgameso ga Imulungu.

Walumi 7:22

Mgati muumoyo wangu nogadeng'helela Malagizo ga Imulungu.

Nongezi 2:6

Kwavija Mndewa Imulungu kowagwaa wanhu ubala, mmulomo wake molawa kutanga vinhu na kutanga goya.

Yakobo 4:8

Mkweseleni behi Imulungu nayo kowakwesela behi. Sunheni makono genu mweye wene nzambi. Sunheni mizoyo yenu, mweye watapitapi!

Luka 11:39

Avo Mndewa kamulongela, “Mweye Mafalisayo mosunha vikasi na sahani kwa kunze, lakini mgati mmwenu mmema ubokaji na gehile.

Zabuli 5:9

Kwavija haduhu ukweli mmilomo yao, mizoyo yao imema kubananga, mitundu melo yao kamba panga hadisiligwe, milimi yao imema uvizi.

Zabuli 26:2

Unigeze na kunipima gweye Mndewa Imulungu, uulole moyo wangu na nzewele zangu.

Nongezi 2:21

Kwavija waja obita nzila igoloke opata isi, na wang'alile ogendelela kukala mgati yake.

2 Wakolinto 1:12

Siye toigodela kinhu kimoja, mizoyo yetu yotulongela vitukala mwiisi ino, ng'hani ng'hani vituilumba na mweye, kwa kung'ala na ukweli kulawa kwa Imulungu. Tutenda vivo siyo kwa kulongozigwa na nzewele za wanhu wa mwiisi, lakini kwa ng'hekewa ya Imulungu.

Zabuli 125:4

Go Mndewa Imulungu, tenda ganogile kwa waja wanogile, kwa waja wene mizoyo igoloke.

2 Samweli 12:13

Avo, Daudi kamulongela Natani, “Nhenda nzambi kwa Imulungu.” Natani kamulongela Daudi, “Mndewa Imulungu kaisegesa nzambi yako hudanganika bule.

Zabuli 32:5

Abaho nizitambula nzambi zangu kumwako, na sigafisile gehile gangu. Nilonga, “Nozitogola nzambi zangu kumwako gweye Mndewa Imulungu.” Abaho gweye kuzigela kumgongo nzambi zangu zose.

Zabuli 41:5

Wanhu onihila ogelegeza, “Kodanganika lini, twaga jake dipotele?”