Zabuli 5:10 - Biblia Kikutu

¹⁰ Gweye Mndewa Imulungu uwakoboze kwa gehile gao, wagwe kwa viseto vao vihile, wawinge kunze mbuli ya ukumema kwa gehile gao, kwavija wakulema gweye.

Zabuli 5:10 ပူးပေါင်းရင်းမြစ်များ

2 Samweli 17:14

Abisalomu hamoja na wanhu wose wa Izilaeli walonga, “Magesa ga Hushai ganoga kubanza ga Ahitofeli.” Wagalema magesa ga Ahitofeli kwavija Mndewa Imulungu kagatenda galemigwe ili Abisalomu yabanangigwe.

1 Wakolinto 3:19

Kwavija nzewele za wanhu wa mwiisi ino ni ubozi mgameso ga Imulungu. Kamba Maandiko Gang'alile vigolonga, “Imulungu kowanamata weli na nzewele muubala wao,”

Zabuli 71:13

Waja onibezeli wabanangwe kwa kinyala, waja olonda kunikoma waumbuke na wagwe kinyala.

Zabuli 31:18

Ifunge imilomo ya iwanhu awo iwavizi, wanhu awo oitapa na kubezeli, awo owabezeli iwanhu wanogile.

2 Samweli 17:23

Ahitofeli viyone magesa gake hagatogoligwe, kamsasala na kamkwela kihongwe wake kachola ukayake. Viyavikile ukayake kagola vinhu vake, abaho kaibota, kadanganika na kazikigwa behi na panga da tatake.

2 Samweli 15:31

Kipindi acho, Daudi kalongeligwa hata Ahitofeli kakala imoja ya wanhu wamuhinduke na kuilumba na Abisalomu. Lakini Daudi kapula kalonga, “Go Mndewa Imulungu nokupula gatende magesa ga Ahitofeli gawe ubozi.”

Zabuli 55:15

Leka ifa iwezile himahima iwanhu onihila, na wachole kuzimu kuno wang'hali wagima, kwavija gehile ga mgati yao.

Zabuli 35:26

Wagwe kinyala, waumbuke hamoja, awo odeng'helela mbuli zangu vizichola vihile. Wagwe kinyala na kugaya awo oikweza kumwangu.

Zabuli 107:11

kwavija wailema mbuli ya Imulungu, wagabezeli magesa ga ayo yeli Uchanha Ng'hani.

Zabuli 79:12

Wabwezele iwanhu wa behi yetu miyanza saba, mbuli ya maligo gawakuligile gweye Mndewa.

Zabuli 66:7

Heyo kotawala kwa udahi wake milele, meso gake kowalola iwanhu wa mwiisi, iwanhu omulema sambi wenuke.

Zabuli 17:13

Winuke, Mndewa Imulungu, uwavamile na kuwabwanha hasi. Kwa sime uikombole loho yangu kulawa mmakono ga awo wehile.

Zabuli 10:15

Uzibene zinguvu za munhu yehile na imunhu yotenda ganyolodoke, ugakoboze gehile gake mbaka sikuugone kabili.

1 Samweli 25:39

Daudi viyahulike Nabali kadanganika kalonga, “Nhogolwa zimgendele Mndewa Imulungu yambwezele gehile Nabali yaniligile. Mndewa Imulungu kanihonya, sambi nitende gehile. Mndewa Imulungu kamtagusa Nabali kwa mbuli zake zihile.” Abaho Daudi kawatuma wanhu wakamsole Abigaili ako Kalimeli yawe mwehe wake.

1 Samweli 25:29

Kwahalawilila munhu yokupelemba ili yakukome, Mndewa Imulungu kouhonya ugima wako hamoja na wanhu oukala na hewo. Lakini kousegesa himahima ugima wa waja okwihila, kamba vija munhu viyokwasa dibwe kwa ng'humbewe.

Kumbukumbu 2:30

“Lakini Sihoni mndewa wa Heshiboni katulemela sikutubite mwiisi yake. Mndewa Imulungu, Imulungu wenu kaditenda zoyo jake diwe dala na yawe msede ili yamgele mmakono genu na muisole isi yake kamba viili lelo.