5 Nitambalala na kuwasa, nilamuka kabili kwavija Mndewa Imulungu kanidahiza.
Moigaza bule kulamuka ulukwili, na kukawa kuwasa, mweye muigaza kwa ndiya imuja, Kwavija Imulungu kowagwaa awo yowanogela hata kamba wahawasa.
Wanhu omuhindukila Imulungu odeng'helela, na vihanga vao vabule kinyala.
Kwa tindiwalo notambalala na kuwasa utulo, kwavija gweye wiiyeka Mndewa Imulungu konitenda nikale goya.
Heyo katutenda tuwe wagima, na hagalekile magulu getu gatelebuke.
Yomdumba Mndewa Imulungu kana tamanilo ditelele, na wanage okuwa na hanhu ha kukimbilila.
Twaga da Mndewa Imulungu ayo ngome igangamale, yeli na haki koikimbilila yakawe na tindiwalo.
Wahawasa honda uwase kwa minyagu nyagu, kowasa utulo unogile.
“ ‘Nowatenda mukale goya mwiisi mbaka modaha kuwasa bila kudumba chochose. Nowasegesa wanyama wakali mna iisi na kokuwa kuduhu ng'hondo mwiisi yenu.
Mna ikilo cha siku ayo iyalondile Helode yamgale Petulo haulongozi wa wanhu, Petulo kakala yawasile hagati ya wakalizi wabili. Kakala yagodekigwe kwa minyololo mibili. Hana ulwivi lwa kifungo hakala na wakalizi wakalile okaliza.