Zabuli 3:4 - Biblia Kikutu

⁴ Nimulilila Mndewa Imulungu, na heyo kanidika kulawa kulugongo lwake lung'ala.

Zabuli 3:4 ပူးပေါင်းရင်းမြစ်များ

Mwanduso 15:1

Vizibitile mbuli azo, Mndewa Imulungu kamulongela Abulamu mzinzozi, “Abulamu, sikuudumbe! Niye ayo ngao yako. Niye na hamoja na gweye, na kinhu acho kinoga ng'hani kumwako.”

Zabuli 119:114

Gweye kwa ngao yangu, kumwako nokimbilila, nodika tamanilo jangu mmbuli yako.

Zabuli 138:3

Siku dija dinikulilile, gweye kunidika, na kunigangamiza kwa nguvu zako.

Zabuli 18:3

Nomkema Mndewa Imulungu yolondigwa kutogoligwa, kanikombola kulawa kwa iwanhu onihila.

Zabuli 2:6

“Na niye nimwika mndewa wangu uchanha ya Sayuni, ulugongo lwangu lung'ala.”

Zabuli 27:6

Na niye kwa deng'ho nowalola iwanhu onihila onizunguluka. Nomulavila nhosa kwa deng'ho mng'anda yake, nomwimbila na kumdeng'helela Mndewa Imulungu.

Zabuli 28:7

Mndewa Imulungu ayo nguvu zangu na ngao yangu, niye nomtamanila heyo. Heyo kanitaza na niye nodeng'helela kwa moyo wangu, kwa lwila lwangu nomshukulu.

Zabuli 34:4

Nimpula Mndewa Imulungu na heyo kanidika, na kanisegesela kudumba kwangu.

Zabuli 34:6

Mkiwa kamulilila Mndewa Imulungu na heyo kamuhulika, na kamkombola na magazo gake gose.

Zabuli 43:3

Nitumile mulenge wako na kweli yako vinilongoze, vinigale mbaka kulugongo lwako lung'ala, mbaka hanhu houkala.

Zabuli 50:15

Unikeme siku ya magazo, na niye nokuhonya na gweye konitogola.”

Zabuli 62:8

Mweye wanhu, mtamanileni Imulungu siku zose, Ifunhuleni mizoyo yenu kumwake heyo, Imulungu ayo kimbililo jetu.

Zabuli 84:12

Gweye Mndewa Imulungu uli na nguvu zose, kamweda imunhu yokutamanila gweye.

Zabuli 89:19

Kulonga mkipindi fulani mzinzozi, kwa iwanhu wako otamanilwa kulonga, “Nimgwaa nguvu digalu, nimwinula mbwanga hagati ya iwanhu.

Zabuli 91:15

Yahanikema nomwidika, nokuwa hamoja na heyo mmagazo, nomkombola na nomgwaa ukulu.

Zabuli 99:9

Mtogoleni Mndewa Imulungu, Imulungu wetu, fugameni kulozela kulugongo lwake lung'ala, kwavija Mndewa Imulungu, Imulungu wetu kong'ala.

Nongezi 2:7

Kowekila ngama ya ubala waja osang'hana ganogile, heyo ayo ngao kwa waja otenda kwa moyo kwatu.

Matayo 7:7

“Puleni, na mweye mogweleligwa, zahileni, na mweye movona, gong'ondeni ulwivi, na mweye movugulilwa.

Yakobo 5:13

Kamba munhu yoyose kumwenu kogaya, yampule Imulungu. Munhu yeli na deng'ho, yamwimbile Imulungu nyila za kumtogola.