Zabuli 27:4 - Biblia Kikutu

⁴ Mbuli imoja nimpula Mndewa Imulungu, na mbuli ayo noilonda ng'hani, nikale mng'anda ya Mndewa Imulungu, siku zose za ugima wangu, nilole ukunoga kwa Mndewa Imulungu, na nizahile ulongozi wake mng'anda yake.

Zabuli 27:4 ပူးပေါင်းရင်းမြစ်များ

2 Samweli 21:1

Kipindi cha utawala wa Daudi kukala na lufilili lwa nzala kwa miyaka midatu, avo Daudi kampula Mndewa Imulungu, na Mndewa Imulungu kalonga, “Sauli na wanhu zake wana kitala cha kwita damu kwavija wawakoma Wagibeoni.”

Zabuli 23:6

Kweli kunoga kwako na unogelo wako hawishaga vokuwa hamoja na niye, siku zose za ugima wangu, niye nokala mng'anda ya Mndewa Imulungu milele.

Zabuli 26:6

Go Mndewa Imulungu, nonawa makono gangu kulagusa sitendile dihile, nouzunguluka upango wako wa nhosa.

Zabuli 26:8

Mndewa Imulungu, nonogezwa na ng'anda yako aho houkala, aho houkala ukulu wako.

Zabuli 27:8

Moyo wangu onilongela, “Izo umkweleleze Imulungu!” Avo nokwiza kumwako gweye Mndewa Imulungu.

Zabuli 50:2

Kulawa Sayuni, hanhu hatelele kwa unovu, Imulungu komwemwesa.

Zabuli 65:4

Kamweda imunhu yumsagule na kumgala behi na gweye, ili yakale kuuluwa lwako. Siye toshiba ganogile ga ng'anda yako, ganogile geli mng'anda yako ing'ala.

Zabuli 84:10

Siku dimoja kukala kuuluwa lwako, kunoga kubanza kukala siku elufu imoja hanhu hayagwe, vinoga nahakuwile mkalizi wa ng'anda ya Imulungu wangu, kubanza kukala mmahema ga iwanhu wehile.

Zabuli 84:4

Wamweda iwanhu okala mng'anda yako, okutogola gweye siku zose.

Zabuli 90:17

Utonele bazi gweye Mndewa Imulungu, Imulungu wetu, uzimize sang'hano za makono getu, ona uzimize sang'hano za makono getu.

Matayo 6:33

Lakini tanhu uzahileni Undewa wa Imulungu na gaja goyolonda, na vino vose mogweleligwa.

Luka 10:42

lakini kimoja kiiyeka kilondigwa. Malia kasagula kinhu kinogile, na honda kisegesigwe bule kumwake.”

Luka 13:24

“Gangamaleni mwingile kubitila ulwivi msisili, kwavija wanhu wengi olonda kwingila lakini honda wadahe bule.

Luka 18:1

Abaho Yesu kawafundiza wanahina zake kwa lusimo kamba siku zose olondigwa kumpula Imulungu na sikuwadonhe.

Luka 2:37

Nayo kakala mgane mbaka viyavikize miyaka malongo manane na nne. Kipindi chose acho kakala Mng'anda ya Imulungu imisi na ikilo, komgwaa ukulu Imulungu, kopula na kofunga kuja.

2 Wakolinto 3:18

Avo siye wose, vihanga vetu havigubikigwe tuigala na kiyoo kulagusa ukulu wa Mndewa. Togalusigwa tuigale ng'hani na tuvike muukulu ng'hani. Ino ayo sang'hano ya Loho wa Mndewa.

2 Wakolinto 4:6

Imulungu yalongile, “Mulenge umwemwese kulawa mdiziza!” Ayo yatendile mulenge wake umwemwese mmizoyo yetu, katugwelela mulenge wa nzewele za ukulu wa Imulungu mkihanga cha Yesu Kilisito.

Wafilipi 3:13

Ndugu zangu sigesa bule kamba nidipata fungu ajo, lakini kinhenda niye, noisemwa mbuli za kuchugu na nowamba kulola mbuli za kumwande.

1 Timoseo 5:5

Mgane yeli yaiyeka, yaliduhu munhu wa kumulolesa, ayo komulolela Imulungu na kogendelela kumpula Imulungu yamtaze imisi na ikilo.

Waebulania 11:6

Bila kutamanila, kuduhu munhu iyodaha kumnogeza Imulungu, kwavija munhu yoyose iyomcholela Imulungu kolondigwa yatogole kamba Imulungu kauko na kowagwaa nhunza wanhu waja omzahila kwa kuwamba.

1 Samweli 1:11

Keka lagano kalonga, “Go Mndewa Imulungu uli na udahi wose, kamba kogalola magazo gangu niye msang'hanaji wako, na kong'humbuka na hunisemwa niye msang'hanaji wako, ila konigwaa niye msang'hanaji wako mwana wa kimbigalo, avo niye nokugwelela gweye Mndewa Imulungu mwana ayo yawe wako siku zose za ugima wake, mvili zake hazibeigwa ng'oo.”

1 Samweli 22:10

Ahimeleki kampulila Daudi kwa Mndewa Imulungu na kamgwaa ndiya na dija disime da Goliati Imfilisiti.”

1 Samweli 30:8

Daudi kamuuza Mndewa Imulungu, “Vino, nidikweleleze bumbila dino da iwabavi? Nahawakweleleza nowapata?” Mndewa Imulungu kamwidika, “Wakweleleze kowavika na kowakombola awo wasoligwe.”