Zabuli 23:3 - Biblia Kikutu

³ Koibwezela nguvu loho yangu. Konilongoza mnzila inogile mbuli ya twaga jake.

Zabuli 23:3 ပူးပေါင်းရင်းမြစ်များ

Zabuli 31:3

Kwavija gweye ayo dibwe jangu na ngome yangu. Mbuli ya twaga jako unilongoze na undole goya.

Zabuli 19:7

Malagizo ga Mndewa Imulungu gatelela, goideng'heza loho, Amuli za Mndewa Imulungu za ukweli, zomgwaa ubala imunhu yauswelile.

Zabuli 51:10

Gweye Imulungu unilumbile moyo ung'alile, uilumbe kabili loho itindiwale mgati mmwangu.

Zabuli 5:8

Go Mndewa Imulungu, unilongoze kwa haki yako, mbuli ya awo onihila, unigolosele nzila yako kuulongozi.

Zabuli 51:12

Unibwezele kabili deng'ho jangu da ukombola, unigwelele loho ya kugoga igako.

Nongezi 8:20

Notembela mwiinzila ya gaja golondigwa na Imulungu, nokweleleza nzila ya haki.

Ugubulo 3:19

Niye nomkomhokela na kumkoboza munhu yoyose inimnogela. Avo, wamba kusang'hana ganogile na uleke nzambi zako.

Zabuli 79:9

Imulungu mkombola wetu ututaze, mbuli ya ukulu wa twaga jako, tukombole na uzigele kumgongo nzambi zetu mbuli ya twaga jako.

Zabuli 85:13

Haki yolongola kuulongozi, na kutenda nzila kwa kutausa kwake.

Nongezi 4:11

Nikufunza nzila ya ubala, nikulongoza mwiinzila igoloke.

Zabuli 119:176

Niwa tanga nzulule kamba ng'hondolo yagile, wize unizahile niye msang'hanaji wako, kwavija sigasemwile malagizo gako.

Waefeso 1:6

Tumtogole Imulungu mbuli ya ng'hekewa yake inogile iyatugwelele, kubitila Mwanage iyamnogele!

Zabuli 34:3

Mtogoleni Mndewa Imulungu hamoja na niye, wose hamoja tuditogole twaga jake.

Zabuli 31:4

Kunilava mna ulwavu wanitegele, kwavija gweye ayo kimbililo da ugima wangu.

Zabuli 106:8

Lakini kawakombola mbuli ya twaga jake, kalagusa nguvu zake.

Zabuli 109:21

Gweye Mndewa Imulungu, unitendele ganogile mbuli ya twaga jako, kwavija unogelo wako hawishaga unoga, avo unikombole.