Zabuli 2:6 - Biblia Kikutu

⁶ “Na niye nimwika mndewa wangu uchanha ya Sayuni, ulugongo lwangu lung'ala.”

Zabuli 2:6 ပူးပေါင်းရင်းမြစ်များ

Zabuli 45:6

Go Imulungu, kigoda chako cha ukulu chosigala siku zose na milele, fimbo ya undewa wako yokuwa fimbo ya haki.

Zabuli 50:2

Kulawa Sayuni, hanhu hatelele kwa unovu, Imulungu komwemwesa.

Zabuli 78:68

lakini kadisagula kabila da Yuda, lugongo lwa Sayuni, alo kalunogela.

Zabuli 89:27

Vivija nomsagula yawe chaudele wangu, yeli mkulu kubanza iwandewa wose wa mwiisi.

Matayo 28:18

Yesu kawezila, kawalongela, “Nigweleligwa udahi wose wa kuulanga na mwiisi.

Waefeso 1:22

Imulungu kavika vinhu vose mmakono ga Kilisito na kamtenda Yesu yawe mkulu wa wanhu wose wamtogole.

Waebulania 12:22

Lakini mweye muvika kuna Ulugongo lwa Sayuni, kudibuga da Imulungu yeli mgima, najo dijo Yelusalemu ya kuulanga. Muvika mumting'hano wa deng'ho da wasenga wa kuulanga magana kwa magana.

Ugubulo 14:1

Abaho niluwona Lugongo lwa Sayuni na Mwanang'hondolo kema uchanha yake, kakala na wanhu laki moja na elufu alobaini na nne, mvihanga vao wakala wandikigwe twaga da Mwanang'hondolo na twaga da Tatake.