Zabuli 17:8 - Biblia Kikutu

⁸ Unikalize kamba imwana wa siso jako, unifise mna imbeho ya mabawa gako,

Zabuli 17:8 ပူးပေါင်းရင်းမြစ်များ

Kumbukumbu 32:10

Kawona Waizilaeli owegela kuluwala, ako kuna dibeho. Kawakaliza na kawalola goya, kawalela kamba munhu viyokaliza imwana wa siso jake.

Zabuli 91:4

Kokugubika kwa mitipilo yake, hasi ya mabawa gake kopata kimbililo, kutamanilwa kwake kokuwa kamba ngao na zindiko.

Zabuli 91:1

Heyo yokala hana uukalizi wa ayo yeli Uchanha Ng'hani, yokala kudisisila da ayo yeli na udahi wose.

Nongezi 7:2

Gakweleleze malagizo gangu na gweye kokuwa mgima, gakalize mafundizo gangu kamba mwana wa siso jako.

Luka 13:34

“Gweye Yelusalemu! Gweye Yelusalemu! Kowakoma watula ndagu wa Imulungu na kuwatowa kwa mabwe waja Imulungu yawatumile kumwako! Miyanza mingapi nilonda kuwahagata wanago kwa makono gangu, kamba vija nguku viyovihagata vinziya vake mna gamabawa gake, lakini hulondile bule!

Zabuli 36:7

Unogelo wako hawishaga gweye Mndewa Imulungu, unoga ng'hani! Wana wa iwanhu okimbilila sisila da mabawa gako.

Zabuli 57:1

Unyonele bazi, gweye Imulungu, unyonele bazi, kwavija moyo wangu okukimbilila gweye. Kuna imbeho ya mabawa gako nokimbilila, mbaka kukuzumbi dibite.

Lusi 2:12

Mndewa Imulungu yakutendele ganogile kwa gose gautendile. Mndewa Imulungu, Imulungu wa Izilaeli yumkimbilile kamba kinziya yomkimbilila mamake, yakulihe ng'hani.”

Zabuli 61:4

Leka nikale mkibanda chako milele. Leka nikimbilile hana imbeho ya mabawa gako.

Matayo 23:37

“Gweye Yelusalemu, Gweye Yelusalemu! Kowakoma watula ndagu wa Imulungu na kuwatowa kwa mabwe waja Imulungu yawatumile kumwako! Miyanza mingapi nilonda kuwahagata wanago kwa makono gangu, kamba vija nguku viyovihagata vinziya vake mna gamabawa gake, lakini hulondile bule.

Zabuli 63:7

Kwavija gweye konitaza, mmbeho ya mabawa gako nokwimba kwa deng'ho.

Zabuli 16:1

Unikalize gweye Mndewa Imulungu, kwavija kumwako nikukimbilila.

Zabuli 36:8

Okwiguta ukunona kwa ivinhu va mng'anda yako, na kowagwaa king'waji kulawa kuulwanda lwa ganogile gako.

Zabuli 57:2

Nomlilila Imulungu yeli uchanha ng'hani, Imulungu yovikizaga gaja goyolonda kumwangu.

Zabuli 61:5

Kwavija gweye Imulungu kuhulika kuiduwila kwangu, kunigwaa uhazi hamoja na awo okudumba gweye.