Zabuli 146:9 - Biblia Kikutu

⁹ Mndewa Imulungu kowakaliza wanhu baki, kowataza wana wakiwa na wagane, lakini kozibananga nzila za wanhu wehile.

Zabuli 146:9 ပူးပေါင်းရင်းမြစ်များ

2 Samweli 15:31

Kipindi acho, Daudi kalongeligwa hata Ahitofeli kakala imoja ya wanhu wamuhinduke na kuilumba na Abisalomu. Lakini Daudi kapula kalonga, “Go Mndewa Imulungu nokupula gatende magesa ga Ahitofeli gawe ubozi.”

2 Samweli 17:23

Ahitofeli viyone magesa gake hagatogoligwe, kamsasala na kamkwela kihongwe wake kachola ukayake. Viyavikile ukayake kagola vinhu vake, abaho kaibota, kadanganika na kazikigwa behi na panga da tatake.

Zabuli 10:14

Lakini gweye kowalola iwanhu ogaya na kudununzwa, na gweye kowataza siku zose. Mkiwa kokutamanila gweye Imulungu, gweye kowataza wana wakiwa.

Zabuli 145:20

Mndewa Imulungu kowakaliza wose omnogela, lakini kowabananga wose otenda gehile.

Zabuli 147:6

Mndewa Imulungu kowenula wahole, lakini kowabwanha hasi mditimbwisi wanhu wehile.

Zabuli 18:26

Gweye kung'ala kwa waja wang'alile, lakini kwa wanhu otenda gehile kolagusa usede.

Zabuli 68:5

Tata wa iwana wakiwa, na mgombela wagane, Imulungu yokala hanhu hake hong'ala.

Nongezi 15:25

Mndewa Imulungu kozibomola ng'anda za weli na kibuli, lakini kozikaliza mbaka za mgane.

Nongezi 4:19

Lakini nzila za wehile kamba ziza kulu, hawakitanga kiwahonzile waikwale.

1 Wakolinto 3:19

Kwavija nzewele za wanhu wa mwiisi ino ni ubozi mgameso ga Imulungu. Kamba Maandiko Gang'alile vigolonga, “Imulungu kowanamata weli na nzewele muubala wao,”

Kumbukumbu 16:11

Mudeng'helele kuulongozi wa Mndewa Imulungu, Imulungu wenu, mweye hamoja na wanenu wa kimbigalo na wa ikitwanzi, wasang'hanaji zenu wa ikimbigalo na wa ikitwanzi, Walawi na iwanhu baki na iwana wakiwa na wagane iwokala hamoja na mweye. Tendeni gago hanhu aho Mndewa Imulungu, Imulungu wenu honda yahasagule kwika twaga jake.

Yakobo 1:27

Kutambika kunogile na hakufitile mgameso ga Imulungu Tata uko kuno, kuwataza wana iwakiwa na kuwataza wagane mmagayo gao na kuilolesa mwenyego sikuunangigwe na mbuli za mwiisi ino.