Zabuli 112:9 - Biblia Kikutu

⁹ Kowagwaa wakiwa vinhu kwa moyo unogile, haki yake yosigala milele. Heyo kokuwa na nguvu na kotegelezwa.

Zabuli 112:9 ပူးပေါင်းရင်းမြစ်များ

Zabuli 75:10

Nguvu za iwanhu wehile nozibena, lakini nguvu za wene haki zokwinuligwa.

Waebulania 13:16

Sikumuisemwe kutenda ganogile na kuitaza, kwavija zino azo nhosa zimnogeza Imulungu.

Waebulania 6:10

Siku zose Imulungu kotagusa goya. Honda yaisemwe sang'hano muitendile na unogelwa umulaguse kumwake kwa kuwataza wanhu zake na mbaka sambi mogendelela kuwataza.

1 Timoseo 6:18

Walagize watende ganogile, wawe wagoli kwa kutenda ganogile, wawe na moyo unogile na watogole kuwagwaa wayagwe vinhu vao.

Walumi 12:13

Wagweleleni vinhu wanhu wa Imulungu walibule, na wabokeleni wageni kwa moyo unogile.

Ugubulo 22:11

Munhu yotenda gehile yagendelele kutenda gehile, munhu mchafu yagendelele kuwa mchafu na munhu yotenda ganogile yagendelele kutenda ganogile na munhu yong'ala yagendelele kung'ala.”

Sang'hano 20:35

Niwalagusila kamba kwa kusang'hana ng'hani tolondigwa kuwataza wanyolile, kumbukeni mbuli ziyalongile Mndewa Yesu mwenyego, ‘Vinoga ng'hani kulava kubanza kubokela.’ ”

Zabuli 92:10

Gweye kunisagula kwa kunigidila mavuta ganogile uchanha yangu, kunigwaa nguvu kamba za ng'ombe poli.

2 Wakolinto 8:9

Kwavija muijuwa ng'hekewa ya Mndewa wetu Yesu Kilisito, hamoja kakala na kila kinhu, lakini kaitenda mkiwa mbuli yenu mweye, ili kubitila ukiwa wake mweye muwe na kila kinhu.

Yohana 13:29

Kwavija Yuda kakala yopapa mkoba wa zisente, wanahina wayagwe wagesa Yesu kamulongela yachole kugula kija kilondeke mwiinyimwilinyimwili ya Pasaka, hebu yawagwee kinhu wakiwa.

Luka 16:9

Yesu kagendelela kulonga, “Avo nowalongeleni, itendeleni umbwiga kubitila vinhu va mwiisi, ili vahamala mudahe kubokeligwa kuna ikae ya ugima wa milele.

Luka 12:33

Chuuzeni vose vimulinavo na muwagwelele wakiwa zisente. Muitendele mikoba hailala, na muikile ngama yenu kuulanga. Ako hondaihunguke, kwavija kuduhu wabavi odaha kuhavika na kuduhu ng'hobo odaha kuibananga.

Maluko 14:7

Wanhu wakiwa mokala nao siku zose, saa yoyose mwahalonda modaha kuwataza. Lakini honda mukale na niye siku zose.

Nongezi 19:17

Yomtaza mkiwa komkopesha Mndewa Imulungu, Imulungu komuliha kwa unogelwa wake unogile.

Zabuli 112:3

Mng'anda yake kokuwa na mali nyingi, haki yake yosigala milele.

1 Samweli 2:30

“Avo Mndewa Imulungu, Imulungu wa Izilaeli, kolonga vino, ‘Niiduwila kamba ulelo wako na ulelo wa muhenga wako osang'hana kuulongozi wangu milele.’ Lakini sambi Mndewa Imulungu kolonga, ‘Mbuli ayo iwe kutali na niye, kwavija nowagesa wose onigesa niye na wose onibezeli na niye nowalema.

1 Samweli 2:1

Abaho Hana kapula kalonga, “Moyo wangu omwinula Mndewa Imulungu, nihuma kubitila Mndewa Imulungu, kwa mulomo wangu nowaseka iwanhu onihila, kwavija noudeng'helela ukombola wako!”

Kumbukumbu 24:13

Umbwezele mgolole wake kila siku ichungulo ili yaigubike. Na heyo kokupulila umwede, na Mndewa Imulungu, Imulungu wako kokona kunoga mgameso gake.

Kumbukumbu 15:11

Kwavija wanhu wakiwa na waja welibule kinhu hawaswela bule mwiisi, avo nowalagiza muwe na moyo unogile kwa ndugu zenu welibule kinhu na waja weli wakiwa mwiisi yenu.

Sang'hano 4:35

na wawagwaa watumigwa, na zisente izo zigoligwa kwa kila munhu kamba viyalondile.

Luka 18:22

Yesu viyahulike avo, kamulongela, “Kuhungukiligwa na kinhu kimoja. Chuuza vose viulinavo, uwagwee sente wanhu wakiwa, na gweye kokuwa na ngama yako kuulanga. Abaho wize unikweleleze.”

Luka 11:41

Lakini laveni vili mgati na muwagwee wakiwa na kila kinhu chonoga kumwenu.

Matayo 6:4

Tenda avo kwa kinyelegezi. Tatako yolola gotendigwa kinyelegezi kokugwaa nhunza.

Kumbukumbu 15:14

Umgwee kwa moyo unogile kwa gaja Mndewa Imulungu, Imulungu wako gayakutendele umwede, ng'hondolo na ndiya na divai.

Zabuli 92:11

Meso gangu gawona iwanhu onihila walemelwa, magwiti gangu gahulika kubanangwa kwa iwanhu otenda gehile kumwangu.

Zabuli 111:3

Kila kinhu kiyotenda kimema ukulu na unovu, haki yake yosigala milele.

Nongezi 14:24

Ugoli dijo taji da weli na ubala, lakini ubozi acho kikumbi cha wabozi.

Nongezi 21:26

Imisi ngima msang'hana gehile kosulukila kupata kinhu, lakini yeli na haki kolava kwa unogelwa.