Zabuli 1:2 - Biblia Kikutu

² lakini kogadeng'helela malagizo ga Mndewa Imulungu, na kogagelegeza imisi na ikilo.

Zabuli 1:2 ပူးပေါင်းရင်းမြစ်များ

Mwanduso 24:63

Siku dimoja ichungulo, kakala yacholile kumgunda kugelegeza. Viyalolile, kona ngamiya okwiza.

Zabuli 104:34

Go Mndewa Imulungu, unogezwe na kugesa kwangu, kwavija niye nodeng'helela kukujuwa gweye.

Zabuli 112:1

Mtogoleni Mndewa Imulungu! Kamweda imunhu yomdumba Mndewa Imulungu, imunhu yodeng'helela ng'hani kugoga malagizo gake.

Zabuli 119:1

Wamweda iwanhu okala bila kitala, awo ogagoga malagizo ga Mndewa Imulungu.

Zabuli 119:11

Mmoyo wangu niika mbuli yako, ili sikunikutende nzambi.

Zabuli 119:35

Nilongoze mnzila ya malagizo gako, kwavija kulawa mumo nodeng'helela.

Zabuli 119:72

Malagizo gako ganoga kumwangu, kubanza maelufu ga zahabu na shaba.

Zabuli 119:92

Maza malagizo gako hagakuwile deng'ho jangu, baho nahadanganike kwa magazo.

Zabuli 40:8

Go Mndewa Imulungu, nosulukila kutenda gaja goulonda, malagizo gako gammoyo wangu.”

Zabuli 88:1

Gweye Mndewa Imulungu unikombole, nilila kuulongozi wako imisi na ikilo.

Luka 18:7

Vino, Imulungu honda yawagwee haki wanhu zake yawasagule, omulilila imisi na ikilo? Vino kokawa kuwategeleza?

Luka 2:37

Nayo kakala mgane mbaka viyavikize miyaka malongo manane na nne. Kipindi chose acho kakala Mng'anda ya Imulungu imisi na ikilo, komgwaa ukulu Imulungu, kopula na kofunga kuja.

Walumi 7:22

Mgati muumoyo wangu nogadeng'helela Malagizo ga Imulungu.

1 Wasesalonike 2:9

Ndugu zetu, mweye mokumbuka siye vitugaiye! Tusang'hana imisi na ikilo ili sikutuwe mizigo kwa munhu yoyose kipindi vituwapetela Mbuli Inogile ya Imulungu.

1 Timoseo 4:15

Gesa goya kwa sama ya mbuli azo na uzisang'hane ili kugendelela kwako koneke na wanhu wose.

2 Timoseo 1:3

Nomtogola Imulungu, inimsang'hanila kwa moyo uleka kunitagusa kuwa nibananga kamba viwatendile wahenga zangu. Nomtogola vinikukumbuka gweye siku zose mna ukumpula kwangu imisi na ikilo.

Yoshua 1:8

Sikuuleke kuzilonga mbuli za kitabu kino cha malagizo, uzigelegeze imisi na ikilo, ili uifunze kutenda gose gandikigwe mumo. Abaho mbuli zako zokucholela goya na komweda.

1 Yohana 5:3

Kwavija kumnogela Imulungu ako kugagoga malagizo gake. Na malagizo gake gabuha,