Yuda 1:8 - Biblia Kikutu

⁸ Vivo ili kwa wanhu wano, wao walota nzozi, ng'huli zao zifitizwa, wenyego oubezeli udahi wa Imulungu na kuviliga viumbe ving'alile ako kuulanga.

Yuda 1:8 ပူးပေါင်းရင်းမြစ်များ

Mwanduso 3:5

Imulungu kalonga avo kwavija kojuwa kamba mwahaja matunda ga biki dijo meso genu gogubuligwa na mokuwa kamba Imulungu, mogajuwa ganogile na gehile.”

Kulawa 22:28

“Sikuumulige Imulungu na sikuumduwile kilongozi wa wanhu zako.

Nongezi 30:11

Hana wanhu owaduwila tata zao, na hawawatambikila mama zao.

Nongezi 30:17

Kamba munhu yahambezeli tatake, na kumzalau mamake, bondwa wa kudibonde ogadonyola meso gake, na makinda ga mhungu ogaja.

Kupetigwa 16:3

Waiting'hana kuulongozi wa Musa na Haluni wawalongela, “Mweye mubanza ng'hani! Mting'hano wa wanhu wose ung'ala na kila munhu yeli hano kang'ala, na Mndewa Imulungu kahamoja na siye wose. Habali mweye moitenda wakulu wa mting'hano wa wanhu wa Mndewa Imulungu?”

Luka 11:25

Yahabwela na kuivika ng'anda ifagiligwa na kila kinhu kikigwa goya,

Luka 12:11

“Wahawagala haulongozi wa ng'anda za kumpula Imulungu, na mgameso ga wakulu wa isi na wandewa, sikumunyawenyawe vija vonda mwidike hebu kija chonda mulonge.

Luka 19:14

Lakini wanhu wa isi yake wakala wamwihile. Avo wawatuma wasenga wagende kwa wanhu waja wakalonge, ‘Hatumulonda munhu ino yawe mndewa wetu.’

Sang'hano 23:5

Paulo kedika, “Waizilaeli wayangu, sijuwile bule kamba kakala mulava nhosa mkulu. Kwavija Maandiko Gang'alile golonga, ‘Sikuumulonge vihile kilongozi wa wanhu zako.’ ”

Sang'hano 7:27

Lakini ayo yakalile yomtowa miyage kamsung'ha Musa kumgwazo. Kamuuza, ‘Nani yakutendile kilongozi na mulamuzi wetu?

Sang'hano 7:39

“Lakini wahenga zetu walema kumtogola, wamsung'ha kumgwazo na walonga yahanogile kumwao wahabweleganye Misili.

1 Wakolinto 3:17

Avo, munhu yoyose yoibananga ng'anda ya Imulungu, Imulungu nayo kombananga munhu ayo. Kwavija ng'anda ya Imulungu ing'ala, na mweye wenyego mwa ng'anda ya Imulungu.

1 Wasesalonike 4:8

Avo munhu yoyose iyolema mafundizo gano hamulema munhu ila komulema Imulungu mwenyego yowagwaa Loho wake Yang'alile.

1 Timoseo 1:10

gekigwa kwa wagoni na wafilaji na wauzaji wa wanhu na wavizi na hewo oiduwila uvizi hebu otenda mbuli haziigalile na mafundizo gaukweli.

Waebulania 13:17

Wategelezeni vilongozi zenu na kugoga malagizo gao, wao ozilola goya loho zenu bila kubwihila kwavija olondigwa wamulongele Imulungu mbuli ya sang'hano zao. Kamba mwahawategeleza otenda sang'hano zao kwa kudeng'helela, lakini mwahalema, osang'hana kwa usungu, na mbuli ayo honda iwataze bule.

1 Petulo 2:17

Mtegelezeni kila munhu na wanogeleni waenu wamtogole Yesu na mdumbeni Imulungu na mtegelezeni mkulu wa isi.