Yuda 1:7 - Biblia Kikutu

⁷ Vivija kumbukeni Sodoma na Gomola, na mabuga geli mmabehi, watenda ugoni na kuihindula wenyego. Wabanangwa kwa moto haufaga kamba kilaguso kwa wanhu wayagwe.

Yuda 1:7 ပူးပေါင်းရင်းမြစ်များ

Mwanduso 13:13

Wanhu wa kuko Sodoma wakala wehile na wakala omtendela Mndewa Imulungu nzambi nyingi.

Mwanduso 18:20

Abaho Mndewa Imulungu kamulongela Abulahamu, “Wanhu wa Sodoma na Gomola oyalaliligwa ng'hani kwavija nzambi zao zibanza.

Mwanduso 19:5

Wamkema Lutu, wamuuza, “Wakwahi wambigalo wezile kumwako? Walave kunze. Tolonda kuwawasa!”

Matayo 10:15

Nowalongeleni ukweli mna isiku ya nhaguso Imulungu kowonela bazi wanhu wa buga da Sodoma na Gomola kubanza buga dijo.”

Matayo 11:24

Nowalongeleni, mna isiku ya nhaguso Imulungu kowonela bazi wanhu wa isi ya Sodoma kubanza mweye!”

Matayo 25:41

“Abaho kowalongela waja weli mwambu wa kumoso, ‘Segeleni kumwangu, mweye muduwiligwe! Muchole kuna umoto haufaga, uyekiligwe Mwenembago na wasenga zake!

Luka 17:29

Lakini siku ija Lutu viyasegele Sodoma, moto na mabwe gokwaka vilagala hasi na kuwakoma wose.

1 Wakolinto 6:9

Vino, hamujuwile kamba wanhu otenda gehile honda waupate Undewa wa Imulungu? Sikumwiivizile, wanhu okala kwa ugima wa ugoni ubanzile hebu ovitambikila vinyago hebu otenda ugoni hebu wambigalo ohindusa wayao,

Kumbukumbu 29:23

Isi yose yomema mabwe gokwaka na mkele, kuduhu kinhu kihandigwa hebu kikota, hata misanze hoyota bule. Yokuwa kamba Mndewa Imulungu viyagabanange mabuga ga Sodoma na Gomola na Adima na Seboimu aho viyagevuzike.

2 Wasesalonike 1:7

kowatenda mweye mugaiye musamhuke, na siye vivija. Kotenda vino kipindi Mndewa Yesu vonda yalawilile kulawa kuulanga hamoja na wasenga zake wa kuulanga weli na nguvu.

2 Wasesalonike 1:8

Na kokwiza na moto ukwaka, kuwatagusa waja wamulemile Imulungu na waja iwolema kuigoga Mbuli Inogile ya Mndewa wetu Yesu.

2 Petulo 2:2

Wanhu wengi okweleleza mbuli zao zigela kinyala, na kwa sama ya hewo wayagwe oibeza Nzila ya Ukweli.

2 Petulo 2:6

Imulungu kawatagusa wanhu wa mabuga mabili ga Sodoma na Gomola, na kawasakaza wanhu wose kwa moto, na kawatenda wawe kilaguso kwa kija chonda kilawilile kwa wanhu hawamtonga Imulungu.

2 Petulo 3:7

Lakini ulanga na isi ya sambi vikigwa goya kwa mbuli iija ya Imulungu ili vibanangigwe kwa moto. Vikigwa kwa siku ija wanhu hawamtegeleze Imulungu vonda watagusigwe na kunangigwa.