Yuda 1:4 - Biblia Kikutu

⁴ Kwavija wanhu hawamjuwile Imulungu wengila kwa kinyelegezi hagati yetu, wanhu awo ougalusa usenga wa ng'hekewa ya Imulungu kamba kinhu cha kutendela ugoni na ombela Yesu Kilisito, yeli Mkulu wetu yaiyeka na Mndewa. Wanhu awo nhaguso yao yandikigwa toka mwaka mna Gamaandiko Gang'alile.

Yuda 1:4 ပူးပေါင်းရင်းမြစ်များ

2 Samweli 22:5

Kwavija mazi mengi ga ifa gakala ganizunguluke, ng'humbi ingubika.

Zabuli 1:1

Kamweda imunhu hacholaga mvitala va iwanhu otenda gehile, na hakwima bule mnzila ya iwanhu otenda nzambi, na hakala bule mvigoda va iwanhu wagewezi,

Zabuli 62:2

Heyo yaiyeka ayo dibwe jangu na ukombola wangu, heyo ayo ngome yangu, niye sigwaya bule.

Matayo 13:25

Kilo kimoja, wanhu viwawasile, munhu yamwihile keza na kuhanda sani hagati ya uhemba abaho kasegela.

Yohana 17:3

Uno awo ugima wa milele, wanhu wakujuwe gweye Imulungu uliwiiyeka wa ukweli, na wamjuwe Yesu Kilisito yuumtumile.

Sang'hano 11:23

Viyavikile na kona vija Imulungu viyawagwelele ng'hekewa, kadeng'helela na kawapula wagendelele kumtamanila Mndewa kwa mizoyo yao yose.

Sang'hano 15:24

Tuhulika kuna wanhu walawa kumwetu wawading'hula na kuwaleka moyo yungwayungwa kwa mbuli ziwawalongele, lakini siye hatuwatumile bule.

Wagalatia 2:4

vivija kukala na wanhu waitendile wamtogola Yesu walonda yengile kumbi. Wanhu awo wengila kinyelegezi mna ikibumbila chetu kutusepa, ili wajuwe vitubwihila kwa kuilumba na Yesu Kilisito. Walonda tukale kamba watumwa.

Wagalatia 5:13

Mweye ndugu zangu, mukemigwa ili mulekesigwe. Lakini kulekesigwa kuko sikukuwe kilamuso cha kutenda chochose kimulonda mweye wenyego, ila molondigwa muisang'hanile kwa kuinogela.

Waefeso 4:14

Avo hondatuwe wana kabili, twahasigwa na kuhembelusigwa kuno na kuno na beho da wanhu ofundiza uvizi ili wawagize wanhu wayagwe kwa ubala.

1 Timoseo 5:8

Kamba munhu yoyose hawatonga wanhu wa lukolo lwake, ng'hani ng'hani awo weli mng'anda mmwake, munhu ayo kakubeza kutamanila na keha ng'hani kubanza imunhu hamtogola Yesu.

2 Timoseo 2:12

Kamba twahagendelela kufunga umoyo, vivija totawala hamoja nayo. Kamba twahambela, na heyo vivija kotubela.

2 Timoseo 3:6

Wanhu awo wayagwe ochola mzing'anda za wanhu na kuwananahiza wawategeleze watwanzi onyolila na wapapile mizigo mikulu ya nzambi, watwanzi awo olongozigwa na kusulukila kwihile.

1 Petulo 2:16

Kaleni kamba wanhu walekesigwe lakini kulekesigwa kwenu sikukuwe kinhu cha kufisila nzambi zenu. Kaleni kamba wasang'hanaji wa Imulungu.

1 Petulo 2:8

Na vivija, “Dibwe diwatenda wanhu waikwale, na dibwe kulu dowatenda wagwe.” Oikwala kwavija hawautogole usenga, na vivo viyalondile Imulungu kumwao.

1 Petulo 4:18

Kamba vigalonga Maandiko Gang'alile, “Vidala ng'hani kwa wanhu wanogile kukomboligwa, yokuwaze kwa wanhu olema kutegeleza na wanhu wene nzambi?”

2 Petulo 2:10

Ng'hani ng'hani wanhu waja okweleleza vizisulukila ng'huli zao na oubeza udahi wa Imulungu. Wanhu awo wavizi na oitapa, hawadumba kuviliga vinhu ving'ala viumbigwe vili ako kuulanga.

2 Petulo 2:7

Kamuhonya Lutu munhu yanogile, yanyunyuwale kwa gehile gasang'hanigwe na wanhu awo wehile,

2 Petulo 3:7

Lakini ulanga na isi ya sambi vikigwa goya kwa mbuli iija ya Imulungu ili vibanangigwe kwa moto. Vikigwa kwa siku ija wanhu hawamtegeleze Imulungu vonda watagusigwe na kunangigwa.

1 Yohana 2:22

Nani yeli mvizi? Iyo ija yolonga kamba Yesu siyo Kilisito mkombola yasaguligwe na Imulungu. Munhu kamba ayo iyo yomulema Kilisito na kombela Tata na Mwana.

Yuda 1:15

kuwatagusa wanhu wose na kuwakoboza wanhu wose iwolema kumtegeleza kwa sang'hano zao zihile ziwatendile bila kumgesa Imulungu, na kwa mbuli ya ulonzi wao wose wihile wamulongile heyo!”

Yuda 1:18

Wawalongela, “Mzisiku za uhelelo, olawilila wanhu na owageweza, wanhu okweleleza kusulukila kwao kwihile bila kumgesa Imulungu.”

Ugubulo 15:4

Vino nani yoleka kukudumba gweye Mndewa? Vino nani yoleka kudigwaa ukulu twaga jako? Gweye wiiyeka ayo ung'alile. Wanhu wa isi zose okwiza kumwako na kukutambikila, kwavija kulagusa kotagusa bila kubagula.”