Yuda 1:20 - Biblia Kikutu

²⁰ Lakini mweye mbwiga zangu, igangamizeni wenyego mna ditamanilo jenu ding'alile. Mpuleni Imulungu kwa nguvu ya Loho wake.

Yuda 1:20 ပူးပေါင်းရင်းမြစ်များ

Sang'hano 15:9

Imulungu hatubagule bule siye na wao, kaisunha mizoyo yao kwavija wamtogola Yesu.

Sang'hano 26:18

Uwafumbule meso gao walawe mdiziza weze kudilenge na walawe mmakono ga Mwenembago wambwelele Imulungu, avo kubitila kutamanila kwao kumwangu nzambi zao zogeligwa kumgongo na opata uhazi wao mna iwanhu wasaguligwe na Imulungu.’ ”

Sang'hano 6:7

Avo mbuli za Imulungu zigendelela kwenela. Wanahina ongezeka ng'hani ako Yelusalemu na walava nhosa wengi wamtogola Yesu.

Sang'hano 9:31

Avo kipindi acho vibumbila va wanhu wamtogole Yesu vikala moyo hole kila hanhu kuko Yudea na Galilaya na Samalia. Kubitila Loho Yang'alile yakalile yowagangamiza wanhu, wanhu ongezeka ng'hani viwakalile okala kwa kumdumba Mndewa.

Walumi 15:2

Kila munhu vitwili yamnogeze miyage kumtenda yamwede, ili yagangamale kumtamanila Imulungu.

Walumi 8:15

Kwavija Imulungu hawagwelele bule Loho wa kuwatenda muwe watumwa kabili na kuwagela bwembwe, lakini kawagwaa Loho wa kuwatenda wana. Na kwa udahi wa Loho tomkema Imulungu, “Tata!”

1 Wakolinto 1:8

Nayo kowagangamiza mbaka kuuhelelo, ili sikumoneke mubananga mna Isiku ya Mndewa wetu Yesu Kilisito.

1 Wakolinto 10:23

Mweye molonga, “Vinhu vose todaha kutenda,” lakini niye nolonga siyo vinhu vose vinoga. Mweye molonga, “Vinhu vose todaha kutenda,” lakini niye nolonga siyo vinhu vose vozenga.

1 Wakolinto 14:15

Avo nhende choni? Nompula Imulungu kwa loho yangu, vivija nompula Imulungu kwa nzewele zangu na nokwimba kwa loho yangu, vivija nokwimba kwa nzewele zangu.

1 Wakolinto 14:26

Ndugu zangu, nofambula vino, mwahaiting'hana hamoja kumtambikila Imulungu, imoja kana nyila, iyagwe kofundiza, iyagwe kana ugubulo kulawa kwa Imulungu, iyagwe kana nhunza ya kulonga kwa ulonzi ukanganya, na iyagwe kofambula kija kilongigwe. Kila kinhu kiwe kwa kuwagangamiza wanhu waiting'hane.

Wagalatia 4:6

Kwavija mweye mwa wanage, Imulungu kamtuma Loho wa Mwanage mmizoyo yenu, Loho ayo yokemelela, “Aba, fambulo jake Tata.”

Waefeso 4:12

Katenda vivo, yawatande wanhu wose wa Imulungu mbuli ya kumsang'hanila Kilisito, ili kulugangamiza lukuli lwa Kilisito.

Waefeso 4:16

Kwa kulongozigwa na Kilisito maungo gose ga lukuli goilumba, na lukuli lose logogelezwa kwa kutazigwa na maungo gake. Avo kila maungo gahasang'hana viilondigwa, lukuli lose lokula na kuizenga mna ukuinogela.

Waefeso 4:29

Sikumulosoke, lakini mulonge mbuli zinogile, za kuwataza wanhu, ili mbuli zimulonga ziwataze kamba viilondigwa kwa awo ozihulika.

Waefeso 6:18

Siku zose mpuleni Imulungu yawataze. Mpuleni Imulungu kipindi chose, kwa kulongozigwa na Loho. Kwa mbuli ino muiteganye sikumubwele kuchugu, siku zose wapulileni wanhu wose wa Imulungu.

Wakolosai 2:7

Ikeni mizizi mgati mmwake na muizenge kumwake na mugangamale mna ukumtamanila kamba vimufunzigwe. Na mulonge asente.

1 Wasesalonike 5:11

Avo, muigele moyo na kuitaza kamba vimutenda sambi.

1 Timoseo 1:4

Walongele waleke kulonga simo na msafa mtali wa matwaga ga wahenga, avo vogala kuibamilila na hazidaha kusang'hanila kija kiyolonda Imulungu, kidaha kujuwika kwa kutamanila.

2 Timoseo 1:5

Nokumbuka kutamanila kwako kwa ukweli, kutamanila kuwakalile nako bibi yako Loisi na mamako Enike, nojuwa kuwa na gweye vivija kunako.

Tito 1:1

Niye Paulo, namsang'hanaji wa Imulungu na mtumigwa wa Yesu Kilisito. Nisaguligwa na nhumigwa kugangamiza kutamanila kwa wanhu wa Imulungu waujuwe ukweli na wakale kamba Imulungu viyolonda wakale.

Yakobo 2:22

Mokona! Tamanilo jake na sang'hano vigenda hamoja, na tamanilo jake ditelela kwa kusang'hana.

2 Petulo 1:1

Niye Simoni Petulo, namsang'hanaji na mtumigwa wa Yesu Kilisito, nowandikila mweye mugweleligwe tamanilo dinogile ng'hani kamba ditugweleligwe siye kubitila kunoga kwa Imulungu wetu na Mkombola wetu Yesu Kilisito.

1 Yohana 5:4

kwavija kila yeli mwana wa Imulungu kodaha kuihuma isi. Vino avo vituihuma isi kwa kumtamanila kwetu Imulungu.

Yuda 1:3

Mbwiga zangu, niwamba ng'hani kuwandikila mbuli ya ukombola wetu siye wose, nilondigwa kuwandikila ili niwagele moyo ili mugendelele kuwamba mna ditamanilo, diwagweleligwa wanhu wa Imulungu, mwanza umoja kwa kipindi chose.

Ugubulo 13:10

Munhu yekigwe kwa kugogigwa, kogogigwa, munhu yekigwe kwa kukomigwa kwa sime, kokomigwa kwa sime. Luno lukemo kwa wanhu wa Imulungu wafunge umoyo na watamanile.”