Yuda 1:14 - Biblia Kikutu

¹⁴ Henoko, ulelo wa saba kulawa Adamu, kalagula mbuli ya wanhu awo kalonga, “Mndewa kokwiza hamoja na magana kwa magana ga wasenga zake wang'alile,

Yuda 1:14 ပူးပေါင်းရင်းမြစ်များ

Mwanduso 5:18

Yaledi viyavikize miyaka gana na malongo sita na mbili, kamulela Henoko.

Matayo 16:27

Kwavija Mwana wa Munhu kokwiza muukulu wa Tatake hamoja na wasenga wa kuulanga, abaho komgwaa kila munhu nhunza yake iigalile na sang'hano yake.

Matayo 25:31

“Mwana wa Munhu yeli Mndewa vonda yeze muukulu wake, hamoja na wasenga zake wa kuulanga, kokala mkigoda chake cha undewa.

Kumbukumbu 33:2

“Mndewa Imulungu keza kulawa kulugongo lwa Sinai, katulawila kulawa kulugongo lwa Seili, katumwemwesela kulawa kulugongo lwa Palani. Kalawa hagati ya wasenga elufu kumi wa kuulanga, na moto ukwaka mumkono wake wa ukudila.

1 Wasesalonike 3:13

Avo koigangamiza mizoyo yenu, na mweye mokuwa mduhu kitala na mong'ala mgameso ga Imulungu wetu na Tataetu kipindi Mndewa wetu Yesu vonda yeze hamoja na wose iyawasagule.

Waebulania 12:22

Lakini mweye muvika kuna Ulugongo lwa Sayuni, kudibuga da Imulungu yeli mgima, najo dijo Yelusalemu ya kuulanga. Muvika mumting'hano wa deng'ho da wasenga wa kuulanga magana kwa magana.

Ugubulo 1:7

Tegelezeni, kokwiza mna gamawingu! Kila munhu komona, hata waja wamuhomile. Makabila gose geli mwiisi gomuyalalila. Ona iwe vivo!

Ugubulo 5:11

Abaho ndola, mhulika sauti za wasenga wa kuulanga wengi ng'hani, kuduhu munhu yodaha kuwapeta! Wema kukizunguluka kigoda cha undewa, na vija viumbe vine vili na ugima na waja iwavele,