Yuda 1:11 - Biblia Kikutu

¹¹ Wanhu awo ogaya! Kwavija wakweleleza mbuli ziyasang'hane Kaini. Mbuli ya kulonda sente waigala wenyego muimhome iija ya Balaamu. Walema kamba viyalemile Kola vivija na hewo onangigwa kamba viyanangigwe heyo.

Yuda 1:11 ပူးပေါင်းရင်းမြစ်များ

Kupetigwa 31:16

Kumbukeni kamba, iwatwanzi awo wakweleleza lagizo da Balaamu, na watenda Waizilaeli wamtendele Mndewa Imulungu nzambi ako Peoli mbaka mitamu iwezila iwanhu wa Mndewa Imulungu.

Matayo 11:21

“Kogaya, gweye buga da Kolazini! Kogaya gweye buga da Betisaida! Maza unzonza utendigwe kumwenu mweye, wahatendigwe mna gamabuga ga Tilo na Sidoni, wanhu zake wahalekile mwaka nzambi zao na kuvala magunia na kuibakaza mitozi, kulagusa kamba waleka nzambi zao!

Kumbukumbu 23:4

kwavija walema kuwagwelela ndiya na mazi vimukalile mnzila molawa Misili, na wamgwaa kibaluwa Balaamu mwanage Beoli kulawa Petoli ako Mesopotamia yeze yawaduwile mweye.

Waebulania 11:4

Kutamanila ako kumtendile Habili yamulavile Imulungu nhosa inogile kubanza Kaini. Kutamanila kwake kumtenda yatogoligwe na Imulungu kamba kanoga, kwavija Imulungu mwenyego kazigwaa nhogolwa nhunza zake. Kwa kutamanila kwake hata kamba Habili kafa, mbuli zake ziyatendile zing'hali zotufunza.

2 Petulo 2:15

Waileka nzila igoloke, wapotela na kukweleleza nzila yaikweleleze Balaamu, mwana wa Beoli ija yanogelwe kupata fungu kwa kutenda gehile,

1 Yohana 3:12

Sikumuigale na Kaini, yalongozigwe na ija Imdumuka, na kamkoma ndugu yake Habili. Vino habali kamkoma? Kwavija gaja gayakalile yosang'hana geha, lakini gaja gayasang'hane ndugu yake gakala ganogile mgameso ga Imulungu.

Ugubulo 2:14

Lakini ning'hali na mbuli ndodo kumwako, kuna wanhu kumwako okweleleza mafundizo ga Balaamu, yamfundize Balaki yawekile ng'hwalo wanhu wa Izilaeli watende nzambi kwa kuwasusumiza waje ndiya ilavigwe kwa vinyago va imilungu na watende ugoni.