Yoshua 9:17 - Biblia Kikutu

¹⁷ Avo Waizilaeli wasegela na siku da kadatu wavika mna gamabuga ga iwanhu awo. Mabuga gago gakala Gibeoni na Kefila na Beeloti na Kiliati Yealimu.

Yoshua 9:17 ပူးပေါင်းရင်းမြစ်များ

2 Samweli 4:2

Avo Ishibosheti mwanage Sauli, kakala na wanhu wabili wakalile wakulu wa vibumbila va wakalizi, imoja kakemigwa Baana na iyagwe kakemigwa Lekabu. Awo wakala wanage Limoni wa buga da Beeloti. Buga da Beeloti ikala isi ya kabila da Benjamini.

Yoshua 10:2

kadumba ng'hani, kwavija buga da Gibeoni dikala kulu ng'hani hagati ya mabuga ga kindewa na dikala kulu kubanza Ai, na wambigalo wose wakala magalu.

Yoshua 15:60

Vivija wagweleligwa mabuga ga Kiliati Baali twaga diyagwe dojuwigwa kamba Kiliati Yealimu na Laba. Gose kwa gose gakala mabuga mabili hamoja na ivijiji vake.

Yoshua 15:9

Kulawa ako imbaka ibitila kuna inhembeti ya ulugongo mbaka kuna zinzasa za Nefitoa na mbaka kuna gamabuga ga lugongo lwa Efuloni. Aho ayo imbaka ihinduka kuchola Baala vivija yojuwigwa kamba Kiliati Yealimu,

Yoshua 18:14

Abaho ayo imbaka ilozela mwambu uyagwe, ihindukila mwambu wa kudihongela zuwa kulawa aho hana ulugongo uilola na Beti Holoni na ichola kusini, na ihelela ako Kiliati Baali, twaga diyagwe dojuwigwa kamba Kiliati Yealimu, dibuga da iwanhu wa Yuda. Ayo iyo imbaka yao kwa umwambu wa kudihongela zuwa.

Yoshua 18:15

Imbaka yao kwa umwambu wa kusini isongela kudibuga da Kiliati Yealimu, na igendelela mbaka Efuloni na mbaka kuna zinzasa za gamazi ako Nefitoa.

Yoshua 9:16

Vizibitile siku ndatu tangu viwatendile lagano na hewo, Waizilaeli wajuwa kamba wanhu awo wakala okala behi na hewo na wakala hagati yao.

Yoshua 9:18

Lakini Waizilaeli hawawakomile bule iwanhu awo kwavija vilongozi wao wakala waiduwile kwa twaga da Mndewa Imulungu, Imulungu wa Izilaeli. Avo Waizilaeli wose wawanung'unikila awo vilongozi wao.

Yoshua 9:3

Lakini iwenekae wa ako Gibeoni viwahulike kiyatendile Yoshua mna gamabuga ga Yeliko na Ai,

Yoshua 9:9

Wamwidika, “Siye wasang'hanaji zako, tulawa isi ya kutali na twiza mbuli ya twaga da Mndewa Imulungu, Imulungu wenu, na tuhulika ukulu wake na gose gayatendile mwiisi ya Misili,

Wasemi 18:12

Weka ng'hambi yao ako Kiliati Yealimu mwiisi ya Yuda. Avo hanhu aho, mwambu wa kudihongela zuwa wa Kiliati Yealimu hakemigwa Mahane Dani mbaka lelo.

1 Samweli 6:21

Avo, wagala usenga kwa iwanhu wa Kiliati Yealimu, walonga, “Wafilisiti wadibweza disanduku da lagano da Mndewa Imulungu. Avo, mwize mdisole dikale kumwenu.”

1 Samweli 7:1

Abaho iwanhu wa Kiliati Yealimu wachola kudisola disanduku da lagano da Mndewa Imulungu, wadigala kuna ing'anda ya Abinadabu yakalile kulugongo. Wamsagula imwana Eleazali yadilole goya disanduku.