Yoshua 8:8 - Biblia Kikutu

⁸ Bahaja vonda mudisole dibuga mudisome moto. Mutende kamba Mndewa Imulungu viyalongile. Loleni niye niwalagiza.”

Yoshua 8:8 ပူးပေါင်းရင်းမြစ်များ

2 Samweli 13:28

Abisalomu kawalongela wasang'hanaji zake, “Muloleni Amnoni vonda yang'we divai na kudeng'helela na niye nowalongela, ‘Mkomeni Amnoni,’ avo mumkome, sambi mudumbe, niye iyo niwalongela. Mugangamale na muwe magalu.”

Kumbukumbu 20:16

“Lakini mna gamabuga ga isi ayo iyowagwaa Mndewa Imulungu, Imulungu wenu, sikumuleke kinhu chochose king'hali kigima.

Yoshua 1:16

Na hewo wamwidikila Yoshua, “Mbuli zose ziutulagize tozitenda, na hanhu hohose honda ututume tochola.

Yoshua 1:9

Kumbuka niye nikulagiza, ugangamale na uwe galu, sikuudumbe na sikuunyawenyawe, kwavija Mndewa Imulungu, Imulungu wako kokuwa hamoja na gweye kokose konda uchole.”

Yoshua 6:24

Abaho wadisoma moto dibuga na kila kinhu kikalile mumo. Ila shaba na zahabu na iviya va shaba ya kiguzi na mizuma, wavika mna ingama mbuli ya ng'anda ya Mndewa Imulungu.

Yoshua 8:13

Avo kaweka iwanhu awo, iwakalizi wengi wakala mwambu wa kasikazini wa dibuga, na waja wasigale kaweka umwambu wa kudihongela zuwa, Yoshua kachola kubonde ikilo acho.

Yoshua 8:2

Ditendeleni buga da Ai na mndewa wake kamba vimuditendele buga da Yeliko na mndewa wake, lakini vinhu vake hamoja na fugo yake vonda musole vokuwa venu. Choleni mukaifise ili mudivamile buga dijo kubitila kukisogo.”

Yoshua 8:22

Wanhu wayagwe kulawa kudibuga wawezila, avo wakala hagati ya iwanhu wa Izilaeli, wayagwe mwambu uno na wayagwe mwambu uja. Waizilaeli wawakoma wose na kuduhu munhu yasigale hebu yatoloke.

Yoshua 8:28

Avo Yoshua kadisoma moto dibuga da Ai na kaditenda vihame siku zose na vivo ili mbaka lelo.

Yoshua 8:7

Baho mweye molawilila na kudivamila dibuga, kwavija Mndewa Imulungu, Imulungu wenu, kowagwaa buga dijo.

Yoshua 8:9

Avo Yoshua kawatuma na hewo wachola ihanhu ha kuifisa na wakala hagati ya Beseli na Ai, mwambu wa kudihongela zuwa wa Ai, lakini Yoshua kakala kilo acho hamoja na iwanhu.

Wasemi 4:6

Siku dimoja katuma usenga kwa Balaki mwanage Abinoamu kulawa buga da Kedeshi mwiisi ya Nafutali kamulongela, “Mndewa Imulungu, Imulungu wa Izilaeli kokulagiza vino, ‘Genda ukawating'hanize wanhu wako kulugongo lwa Taboli, usagule wanhu elufu kumi kulawa makabila ga Nafutali na Zabuloni.