Yoshua 8:29 - Biblia Kikutu

²⁹ Abaho kamuwamba imndewa wa buga da Ai mdibiki mbaka ichungulo. Zuwa vidingile Yoshua kalagiza waluhumuluse hasi ulukuli kulawa mdibiki na walutupe hana ulwivi lwa dibuga abaho walundize lundo kulu da mibwe uchanha yake, lundo dijo ding'hali kuko mbaka lelo.

Yoshua 8:29 ပူးပေါင်းရင်းမြစ်များ

2 Samweli 18:17

Wamsola Abisalomu na kumwasila kudisimo kulu kumuhulo, uchanha yake wamwikila lundo kulu da mibwe. Wanhu wose wa Izilaeli wakimbila kila imoja kakimbilila ukayake.

Zabuli 107:40

Kawabezeli iwakulu wawadununze, kawawegeza kuluwala hanhu haduhu nzila.

Zabuli 110:5

Mndewa ka umwambu wa mkono wako wa ukudila. Kowahonda wandewa siku ya kugevuzika kwake.

Yohana 19:31

Abaho wakulu wa Wayahudi wampula Pilato yawatogolele wagabene magulu ga wanhu wakalile wawambigwe mmisalaba ili wazihumuluse ng'huli zao. Wampula vino kwavija ikala siku ya kuitanda, na hawalondile ng'huli zikale mmisalaba mwiisiku ya Kubwihila, kwavija siku ayo ya Kubwihila ikala ing'alile.

Sang'hano 12:23

Bahaja msenga wa kuulanga kambwanha hasi Helode, kwavija hamgwelele Imulungu ukulu. Kahomigwa na msango kafa.

Yoshua 10:30

Mndewa Imulungu kadigela buga dijo na imndewa wake mmakono ga Waizilaeli. Wawakoma iwenekae wose kwa misime na hawamulekile hata munhu imoja. Yoshua kamtendela mndewa ayo kamba viyamtendele imndewa wa Yeliko.

Yoshua 10:33

Abaho Holamu mndewa wa Gezeli keza kuwataza iwanhu wa Lakishi. Lakini Yoshua kamkoma hamoja na wanhu zake wose, hamsigase hata munhu imoja.

Yoshua 12:9

Waizilaeli wawahuma wandewa wakalile imoja imoja, mndewa wa Yeliko na mndewa wa Ai, buga dili behi na Beseli,

Yoshua 7:26

Abaho walundiza mibwe mingi uchanha yake na ing'hali kuko mbaka lelo. Abaho Mndewa Imulungu kaleka kugevuzika. Avo, mbaka lelo twaga da hanhu aho dokemigwa bonde da Akoli.

Yoshua 8:23

Lakini wamgoga imndewa wa Ai kuno yang'hali mgima wamgala kwa Yoshua.