Yoshua 8:28 - Biblia Kikutu

²⁸ Avo Yoshua kadisoma moto dibuga da Ai na kaditenda vihame siku zose na vivo ili mbaka lelo.

Yoshua 8:28 ပူးပေါင်းရင်းမြစ်များ

Kumbukumbu 13:16

Muvilundize hamoja ivinhu vose vimusolile, na muvike kulubuga lwa dibuga na mvisome moto hamoja na dibuga kamba nhosa ya kusoma moto kwa Mndewa Imulungu, Imulungu wenu. Buga dijo dokuwa vihame siku zose, na hodizengwa kabili.

Kumbukumbu 13:17

Sikumusole kinhu chochose kilavigwe ili kisomigwe moto, ili Mndewa Imulungu yaleke kuwagevuzikila ng'hani. Kowatendela ganogile na kowonela bazi na kowatenda muwe wengi ng'hani kamba viyaiduwile kwa wahenga zenu,

Yoshua 4:9

Abaho Yoshua kagasimika mabwe longo na mabili gakalile hagati ya Yolidani, hanhu aho hawemile iwalava nhosa wadipapile disanduku da lagano, na gang'hali baho mbaka lelo.

Yoshua 8:29

Abaho kamuwamba imndewa wa buga da Ai mdibiki mbaka ichungulo. Zuwa vidingile Yoshua kalagiza waluhumuluse hasi ulukuli kulawa mdibiki na walutupe hana ulwivi lwa dibuga abaho walundize lundo kulu da mibwe uchanha yake, lundo dijo ding'hali kuko mbaka lelo.