Yoshua 8:2 - Biblia Kikutu

² Ditendeleni buga da Ai na mndewa wake kamba vimuditendele buga da Yeliko na mndewa wake, lakini vinhu vake hamoja na fugo yake vonda musole vokuwa venu. Choleni mukaifise ili mudivamile buga dijo kubitila kukisogo.”

Yoshua 8:2 ပူးပေါင်းရင်းမြစ်များ

Zabuli 39:6

Kila munhu kamba nzozi kochola kuno na kuno, koigaza na vinhu vingi lakini kogaya bule, Kokwika vinhu lakini hajuwa nani yonda yasole.

Nongezi 13:22

Munhu yanogile kowalekela uhazi unogile ulelo wake, lakini ugoli wa wene nzambi wekiligwa weli na haki.

Nongezi 28:20

Munhu yotamaniligwa kopata ganogile, lakini yeli na bwisabwisa da kupata ugoli kopata nhaguso.

Kumbukumbu 2:35

Vinhu vose vikalile kuko vikala vetu, fugo yose na ivinhu vose va kudibuga dijo.

Kumbukumbu 20:14

lakini iwatwanzi na iwana na zifugo na vinhu vose vili kudibuga dijo, muvisole. Modaha kudeng'helela vinhu vija vimusolile va iwanhu owehila viyawagwelele Mndewa Imulungu, Imulungu wenu.

Kumbukumbu 3:2

Lakini Mndewa Imulungu kanongela, ‘Sikuumdumbe kwavija nimgela mmakono gako, heyo hamoja na iwakalizi wake na isi yake yose. Komtendela kamba viumtendele Sihoni, imndewa wa Waamoli, ayo yakalile ako Heshiboni.’

Yoshua 10:1

Mndewa Adoni Sedeki wa Yelusalemu viyahulike Yoshua kadisola buga da Ai na kudinanga na imndewa wake kamba viyaditendile buga da Yeliko na mndewa wake, na viyahulike iwenekae wa Gibeoni wailumba na Waizilaeli, na sambi okala hamoja na hewo,

Yoshua 10:28

Siku didijo Yoshua kadisola buga da Makeda, na kamkoma imndewa wa buga dijo kwa sime na kawakoma iwanhu wose wakalile mumo na hamulekile hata imoja. Kamtendela imndewa wa Makeda kamba viyamtendele mndewa wa ako Yeliko.

Yoshua 11:14

Waizilaeli wasola vinhu vose vikalile mna gamabuga gago na zifugo, lakini wawakoma iwenekae wose kwa sime, na hawamulekile hata munhu.

Yoshua 6:21

Abaho wakinanga kila kinhu kili mdibuga dijo, na wawakoma kwa sime, wambigalo na watwanzi na wana na wavele na ng'ombe na ng'hondolo na vihongwe.

Yoshua 8:12

Abaho kawasola wanhu kamba elufu tano na kaweka waifise hagati ya Beseli na Ai wadivamile dibuga mwambu wa kudihongela zuwa.

Yoshua 8:14

Mndewa wa buga da Ai viyonile avo, heyo na iwanhu zake na iwanhu wa dibuga, walopola wachola hana ihanhu hakuitowa mwambu wa Alaba wakaitowe na Waizilaeli. Lakini hajuwile bule kamba kukala na wanhu waifisile umwambu wa kukisogo wa dibuga.

Yoshua 8:19

Bahaja Yoshua viyaulozele mgoha wake kudibuga da Ai, bumbila dikalile diifisile dilawilila na dikimbila dingila mdibuga wadisola dibuga na walopola kudisoma moto.

Yoshua 8:24

Waizilaeli viwamambukize kuwakoma iwanhu wose wa buga da Ai ako kuluwala kuwawakweleleze wabwela mgati kudibuga da Ai na kuwakoma wose wakalile mumo.

Yoshua 8:3

Avo Yoshua na iwanhu oitowaga kuing'hondo wasegela wachola kudibuga da Ai. Yoshua kasagula iwanhu weli magalu elufu selasini na kawatuma ikilo.

Yoshua 8:7

Baho mweye molawilila na kudivamila dibuga, kwavija Mndewa Imulungu, Imulungu wenu, kowagwaa buga dijo.

Yoshua 8:8

Bahaja vonda mudisole dibuga mudisome moto. Mutende kamba Mndewa Imulungu viyalongile. Loleni niye niwalagiza.”

Yoshua 8:9

Avo Yoshua kawatuma na hewo wachola ihanhu ha kuifisa na wakala hagati ya Beseli na Ai, mwambu wa kudihongela zuwa wa Ai, lakini Yoshua kakala kilo acho hamoja na iwanhu.

Yoshua 9:3

Lakini iwenekae wa ako Gibeoni viwahulike kiyatendile Yoshua mna gamabuga ga Yeliko na Ai,