Yoshua 7:7 - Biblia Kikutu

⁷ Yoshua kalonga, “Go Mkulu Mndewa Imulungu! Habali kututenda tuloke lwanda lwa Yolidani ili utugele mmakono ga Waamoli watubanange? Vahanogile twahasigale umwambu wa lwanda lwa Yolidani.

Yoshua 7:7 ပူးပေါင်းရင်းမြစ်များ

Zabuli 116:11

Vivija nilonga kwa bwembwe jangu, “Wanhu wose wavizi.”

Kulawa 16:3

Waizilaeli wawalongela, “Vinoga ng'hani kamba Mndewa Imulungu yahatukomile vitukalile mwiisi ya Misili, kuko tuja nyama na tuja ndiya itulondile, lakini mweye mutugala kuno kuluwala ili tufe kwa nzala.”

Kulawa 17:3

Lakini kwavija wanhu wakala na ng'hilu, wagendelela kumuyalalila Musa wamulongela, “Habali kutulava Misili na kutugala hano tufe kwa ng'hilu, siye na wanetu na fugo zetu?”

Kupetigwa 14:16

‘Mndewa Imulungu kawakoma wanhu zake kuluwala kwavija kalemelwa kuwagala mwiisi iyaiduwile kowagwaa.’

Kupetigwa 14:3

Habali Mndewa Imulungu kotugala mwiisi ayo? Tokomigwa mwiing'hondo, wehe zetu na wanetu ogogigwa! Vinoga tubwele Misili.”

Matayo 17:17

Yesu kawedika, “Mweye lukolo lwihile na mulibule kutamanila! Ng'hale na mweye mbaka lini? Nogela kitumbe kumgongo mbaka lini? Mgaleni hano imbwanga!”

Matayo 17:20

Yesu kawedika, “Kwavija mutamanila kidogo. Nowalongeleni ukweli, mwahawa na kutamanila kidogo kamba mbeyu ndodo ya haladali, modaha kukilongela kigongo kino, ‘Segela hano uchole haja!’ nacho chochola. Mwahatendile kila kinhu!”

Waebulania 12:5

Vino muisemwa mbuli za kugangamiza ziyowalongela Imulungu kamba mwa wanage? “Mwanangu, sikuutende mwangalo Mndewa yahakuzuma, na yahawakomhokela sikumubwele kuchugu,

Yoshua 7:6

Abaho Yoshua kadega viwalo vake kwa usungu, kagwa kingubanguba kuulongozi wa disanduku da Mndewa Imulungu mbaka ichungulo. Heyo na iwavele wa Izilaeli, waigela mitimbwisi mmapala gao.

Yoshua 7:8

Go Mndewa, nonge choni kwavija Waizilaeli wawakimbila iwanhu owehila?

Wasemi 20:23

Avo, Waizilaeli wachola, wamulilila Mndewa Imulungu mbaka ichungulo. Abaho wamuuza Mndewa Imulungu, “Avo tuchole kabili tukaitowe na ndugu zetu, wanhu wa kabila da Benjamini?” Mndewa Imulungu kawedika, “Choleni mkaitowe na hewo.”

1 Samweli 4:3

Wakalizi wasigale viwabwelile mwiing'hambi, wavele wa Waizilaeli walonga, “Habali Mndewa Imulungu kawalekela lelo Wafilisiti watuhume? Tucholeni tukadisole sanduku da lagano da Mndewa Imulungu kulawa Shilo, ili dichole na siye mwiing'hondo na ditukombole kulawa mmakono ga waja otwihila.”