Yoshua 7:21 - Biblia Kikutu

²¹ vinyonile kiwalo kinogile mna ivinhu avo kulawa ako Shinali, na sente magana mabili na kibimhi cha zahabu kili na uzito wa nusu kilo, nivisulukila na nivisola. Nivifisa nivihimbila hasi ya kibanda changu na zisente za hasi ya ivinhu avo.”

Yoshua 7:21 ပူးပေါင်းရင်းမြစ်များ

Mwanduso 10:10

Mabuga gaichanduso ga utawala wake gakala, Babeli na Eleki na Akadi na Kaline, gose gakala mwiisi ya Shinali.

Mwanduso 3:6

Mtwanzi ayo viyonile matunda ga biki dijo viganogile kudigwa, na dibiki vidinogeza mgameso na kagelegeza vivinogile kuwa na nzewele, avo kakondola tunda kadija, diyagwe kamgwaa mkasano wake, na heyo vivija kadija.

Mwanduso 34:27

Wana wayagwe wa Yakobo wawezila wanhu awo wafile wavisola vinhu va buga dijo kwavija wamfitiza lumbu jao.

Mwanduso 6:2

viumbe wayagwe wa kuulanga wawona wandele awo wanoga, avo wawasola waja wawalondile na kuwa wehe zao.

2 Samweli 11:2

Siku dimoja ichungulo Daudi kenuka mulusazi kakwela mkiswili cha ng'anda ya kindewa. Viyakalile kotembela kuko kukiswili kamona mtwanzi imoja kokoga, mtwanzi ayo kakala yanogile ng'hani.

Zabuli 119:37

Uhindule meso gangu sikunilole avija havifaya, unigwelele ugima mnzila yako.

Kulawa 20:17

“Sikuuisulukile ng'anda ya miyago, sikuumsulukile mwehe wa miyago hebu mtumwa wake wa kimbigalo hebu wa kitwanzi hebu ng'ombe wake hebu kihongwe wake hebu kinhu chochose kiyelinacho.”

Nongezi 1:19

Vivo iwaga kwa wanhu opata vinhu kwa kuwaboka wayagwe, osegesa ugima wao.

Nongezi 23:31

Sambi uisulukile divai hata kamba yahawa ndung'hu, hata kamba yometameta mkikonha, na yohulumuka goya wahaing'wa.

Nongezi 28:22

Munhu mgila kokimbilila ugoli, hatanga kamba ukiwa omwizila.

Nongezi 4:23

Ulole goya moyo wako kubanza vose viuvilola goya, kwavija mumo muulawa ugima.

Luka 12:15

Abaho kagendelela kuwalongela wose, “Muiteganye na ugila! Kwavija ugima wa munhu hautamanila wingi wa vinhu viyelinavo.”

Luka 12:2

Kinhu chochose kigubikigwe chogubuligwa, na kija kifisigwe chojuwika.

Waefeso 5:3

Kwavija mweye mwa wanhu wa Imulungu, mbuli ya ugoni, uchafu wowose hebu ugila, sikuvilongigwe kumwenu.

Waefeso 5:5

Mujuwe goya, munhu yotenda ugoni, hebu mchafu hebu msede, ugila uigala na kuvitambikila vinyago. Wanhu otenda mbuli azo honda wawe na fungu Muundewa wa Kilisito na wa Imulungu.

Kumbukumbu 7:25

Visomeni moto ivinyago va imilungu yao. Sikumusulukile shaba hebu zahabu ili mvinyago vao na sikumuisole na kuitenda kamba yenu. Mbuli ayo yowahonza na yomgevuza Mndewa Imulungu, Imulungu wenu.

Wakolosai 3:5

Avo kikomeni chochose cha mwiisi kili mgati mmwenu, ugoni na gehile na kusulukila kutenda ugoni na kugesa gehile na kusulukila kuwa na vinhu vingi nako ako kutambikila minyago.

Waebulania 13:5

Sikumuzinogele ng'hani sente, lakini mwigute na vija vimulinavo. Kwavija Imulungu kalonga, “Sikusemwa ng'o na sikuleka ng'o.”

Yakobo 1:15

Kusulukila kwihile kwahepa kolela nzambi, nazo nzambi zahakangala zolela ifa.

Yoshua 7:20

Akani kamwidika Yoshua, “Kweli nimtenda nzambi Mndewa Imulungu, Imulungu wa Izilaeli, niye nitenda vino,

Yoshua 7:22

Avo Yoshua kawatuma wasenga wachole kuna ikibanda na wavona vinhu avo vifisigwa mna ikibanda chake na zisente zikala hasi.

2 Petulo 2:15

Waileka nzila igoloke, wapotela na kukweleleza nzila yaikweleleze Balaamu, mwana wa Beoli ija yanogelwe kupata fungu kwa kutenda gehile,