Yoshua 7:2 - Biblia Kikutu

² Abaho Yoshua kawatuma wanhu kulawa Yeliko wachole buga da Ai, dili behi na Beti Aveni mwambu wa kudilawila zuwa wa Beseli, kawalongela, “Choleni mkaisungulile isi ayo.” Wanhu awo wachola na wadisungulila buga da Ai.

Yoshua 7:2 ပူးပေါင်းရင်းမြစ်များ

Mwanduso 12:8

Kulawa kuko Abulamu kasegela kachola kuvigongo mwambu wa kudilawila zuwa wa Beseli keka ng'hambi hagati ya buga da Beseli mwambu wa kudihongela zuwa na buga da Ai mwambu wa kudilawila zuwa. Kuko vivija kamzengela Mndewa Imulungu upango wa kulavila nhosa na kaditambikila twaga da Mndewa.

Mwanduso 28:19

Hanhu aho kahakema Beseli, fambulo jake, “Ng'anda ya Imulungu,” lakini aho umwaka buga dijo dikala dokemigwa Luzu.

Nongezi 20:18

Mipango yopangigwa kwa kuiuza tanhu, wahalonda kusonga ng'hondo kolondigwa tanhu upate magesa kulawa kwa wanhu wayagwe.

Nongezi 24:6

Kwavija kwa ulongozi unogile kodaha kuitowa ng'hondo, na mhumo yopatikana kwa kuwa na walava magesa wengi.

Matayo 10:16

“Nowatuma kamba ng'hondolo hagati ya mbwizi. Avo muwe wabala kamba zoka na wahole kamba huwa.

Waefeso 5:15

Avo, muiteganye vija vimukala. Sikumukale kamba wanhu wabozi, lakini kaleni kamba wanhu weli na nzewele.

Yoshua 12:9

Waizilaeli wawahuma wandewa wakalile imoja imoja, mndewa wa Yeliko na mndewa wa Ai, buga dili behi na Beseli,

Yoshua 18:12

Imbaka yao kwa umwambu wa kasikazini isongela lwanda lwa Yolidani, na ibitila kasikazini ya Yeliko na isi ya kuvigongo va umwambu wa kudihongela zuwa na ihelela kuluwala lwa Beti Aveni.

Yoshua 2:1

Abaho Yoshua mwanage Nuni kawatuma wanhu wabili kinyelegezi kulawa Shitimu kamba wasepaji, kawalongela, “Gendeni mukaisungulile isi ayo, ng'hani ng'hani mukadilole buga da Yeliko.” Avo wachola na wavika kuna ing'anda ya munhu yakalile mgoni, twaga jake Lahabu na wawasa mumo.

Yoshua 7:3

Viwabwelile wamulongela Yoshua, “Sikuwachole wanhu wose, ila wachole wanhu kamba elufu mbili hebu ndatu wakadivamile dibuga da Ai. Sikuuwagaze iwanhu wose wachole kuko kwavija iwanhu wa buga dijo wadodo.”

1 Samweli 13:5

Wafilisiti waiting'hana hamoja waitowe na Waizilaeli na wakala na mituka ya kubulula elufu selasini, wakalizi wakukwela falasi wakala elufu sita na wakalizi wa kutembela na migulu wakala wengi kamba utitili, wose wachola kwika ng'hambi yao ako Mikimashi mwambu wa kudilawila zuwa wa Beti Aveni.

1 Samweli 14:23

Ng'hondo yenela kubanza Beti Aveni, na siku dijo Mndewa Imulungu kawatenda Waizilaeli wahume.

1 Samweli 30:27

Nhunza azo zikala za iwavele okala Beteli, Lama ya Negebu, Yatili,