Yoshua 7:12 - Biblia Kikutu

¹² Avo Waizilaeli hawadaha kuwahuma iwanhu owehila. Wawakimbila iwanhu owehila kwavija walavigwa ili wabanangigwe. Honda niwe na mweye kabili mbaka muvinange ivinhu vilavigwe ili vibanangigwe vili hagati yenu.

Yoshua 7:12 ပူးပေါင်းရင်းမြစ်များ

Zabuli 44:10

Kututenda tubwele kuchugu ya iwanhu otwihila, iwanhu otudeta watuboka vinhu vetu.

Zabuli 60:10

Gweye, Imulungu siyo gweye utulemile siye? Gweye Imulungu hucholile na siye kuing'hondo.

Nongezi 28:1

Wasang'hana gehile okimbila kuno hawakimbizigwa na munhu, lakini wene haki magalu kamba simba.

Kupetigwa 14:39

Nayo Musa kawalongela Waizilaeli mbuli zija ziyalongeligwe na Mndewa Imulungu, na hewo walila kwa usungu.

Kupetigwa 14:42

Sikumuchole ako kuna ivigongo, sambi mutoigwe na iwanhu owehila, kwavija Mndewa Imulungu heli na mweye.

Kupetigwa 14:43

Avo mwahachola kuitowa na Waamaleki na Wakanaani, mofa kuing'hondo kwavija mulema kumkweleleza Mndewa Imulungu, heyo hali hamoja na mweye.”

Kupetigwa 14:45

Avo Waamaleki na Wakanaani wakalile okala mwiisi ayo ya ivigongo wahumuluka hasi wawatowa na kuwahuma, wawawinga mbaka mwiisi ya Holima.

Kumbukumbu 7:26

Sikumukigale mzing'anda zenu kinhu chochose kimgevuza Mndewa Imulungu, buleavo moduwiligwa kamba kinhu acho. Sikumuvinogele hebu kuvigelegeza kwavija vinhu avo viduwiligwa.

Yoshua 6:18

Lakini sikumusole kinhu chochose kilavigwe ili kibanangigwe, mwahasola kinhu chochose kilavigwe ili kibanangigwe moitenda ing'hambi ya iwanhu wa Izilaeli iwe kinhu cha kubanangigwa na mogala gehile.

Wasemi 16:20

Delila kamulongela Samsoni, “Samsoni! Wafilisiti okwiza kukuvamila!” Samsoni kalamuka muutulo kuno kolonda kuigombela kamba viyatendaga. Kumbe hajuwile kamba Mndewa Imulungu kakala yamulekile.

Wasemi 2:14

Avo Mndewa Imulungu kawagevuzikila Waizilaeli, na kawaleka wabavi wawebile vinhu vao. Kawagela mmakono ga iwanhu owehila, awo iwanhu wa isi ziwazunguluke, na hawadahile kuwatowa.

Wasemi 2:4

Bahaja imsenga ayo wa Mndewa Imulungu viyawalongele wanhu wose wa Izilaeli mbuli azo, iwanhu waguta na kulila.

1 Samweli 14:38

Sauli kawakema, “Izoni hano vilongozi wose wa iwanhu, ili tujuwe nzambi gani ituitendile lelo.