Yoshua 7:1 - Biblia Kikutu

¹ Lakini iwanhu wa Izilaeli hawatamaniligwe bule kwa ivinhu vilavigwe ili vibanangigwe kwavija Akani kasola ivinhu viyagwe vilavigwe ili vibanangigwe. Akani kakala mwanage Kalimi, Kalimi mwanage Zabidi, Zabidi mwanage Zela, kulawa kabila da Yuda. Avo Mndewa Imulungu kawagevuzikila iwanhu wa Izilaeli.

Yoshua 7:1 ပူးပေါင်းရင်းမြစ်များ

Mwanduso 34:27

Wana wayagwe wa Yakobo wawezila wanhu awo wafile wavisola vinhu va buga dijo kwavija wamfitiza lumbu jao.

2 Samweli 24:1

Mndewa Imulungu kawagevuzikila kabili Waizilaeli, kamsusumiza Daudi, “Genda ukawapete Waizilaeli na wanhu wa Yuda.”

Walawi 10:6

Abaho Musa kamulongela Haluni na wanage wabili, Eleazali na Itamali, “Sikumuleke kubunha mvili zenu na sikumuiyalale kwa kudega dega viwalo venu, bule mofa na Mndewa Imulungu kowagevuzikila wanhu wose. Lakini ndugu zenu na wanhu wose wa Izilaeli, odaha kuiyalala mbuli ya awo walukuzigwe na Mndewa Imulungu.

Yoshua 22:16

“Umting'hano wose wa iwanhu wa Mndewa Imulungu owauza, ‘Uvizi gani uno umumtendele Imulungu wa Izilaeli? Habali mumulema Mndewa Imulungu kwa kuzenga upango uno wa nhosa?

Yoshua 22:18

Avo habali hamumkweleleze Mndewa Imulungu? Lelo mwahamulema Mndewa Imulungu, mayo kougevuzikila umting'hano wose wa iwanhu wa Izilaeli.

Yoshua 22:20

Vino Akani mwanage Zela hatamaniligwe kwa ivinhu vilavigwe ili vibanangigwe, na ing'hasiliki iwezila umting'hano wose wa Izilaeli? Akani hafile heyo yaiyeka kwa nzambi yake.’”