Yoshua 6:7 - Biblia Kikutu

⁷ Abaho Yoshua kawalagiza iwanhu, “Longoleni mkadizunguluke dibuga, na iwanhu weli na imigoha wadilongolele disanduku da Mndewa Imulungu.”

Yoshua 6:7 ပူးပေါင်းရင်းမြစ်များ

Yoshua 1:14

Wehe zenu na wanenu na fugo zenu osigala mwiisi ino iyawagwelele Musa, mwambu uno wa Yolidani, lakini wambigalo wose magalu hagati yenu waloke na migoha yao ya ng'hondo kuulongozi wa ndugu zenu, Waizilaeli wayagwe na muwataze,

Yoshua 4:13

Wambigalo awo kamba elufu alobaini wapapile migoha ya kung'hondo mgameso ga Mndewa Imulungu wachola kuna ing'hondo kudibawe da Yeliko.

Yoshua 6:3

Mweye mdizunguluke buga dijo, iwambigalo wose odaha kuchola kuing'hondo wadizunguluke dibuga, mwanza umoja kila siku, kwa siku sita.

Yoshua 6:6

Avo Yoshua mwanage Nuni kawakema iwalava nhosa kawalongela, “Dipapeni disanduku da lagano na iwalava nhosa saba wasole mhalati saba za ng'hondolo mbigalo walongole kuulongozi wa idisanduku da Mndewa Imulungu.”

Yoshua 6:8

Avo kamba Yoshua viyawalagize iwanhu, iwalava nhosa saba kuno wagoga mhalati saba za ng'hondolo mbigalo, wachola kuulongozi wa Mndewa Imulungu, kuno otowa zimhalati na disanduku da lagano da Mndewa Imulungu dowakweleleza.