Yoshua 6:21 - Biblia Kikutu

²¹ Abaho wakinanga kila kinhu kili mdibuga dijo, na wawakoma kwa sime, wambigalo na watwanzi na wana na wavele na ng'ombe na ng'hondolo na vihongwe.

Yoshua 6:21 ပူးပေါင်းရင်းမြစ်များ

Kumbukumbu 13:16

Muvilundize hamoja ivinhu vose vimusolile, na muvike kulubuga lwa dibuga na mvisome moto hamoja na dibuga kamba nhosa ya kusoma moto kwa Mndewa Imulungu, Imulungu wenu. Buga dijo dokuwa vihame siku zose, na hodizengwa kabili.

Kumbukumbu 2:34

Kipindi acho tugananga mabuga gao gose na tuwakoma wose, wambigalo na watwanzi na iwana. Hatumulekile munhu yoyose mgima.

Kumbukumbu 7:16

Muwakome wanhu wose wa isi zose Mndewa Imulungu, Imulungu wenu yazigelile mmakono genu, na sikumuwonele bazi. Sikumvitambikile vinyago vao, kwavija mbuli ayo yowahonza.

Yoshua 10:28

Siku didijo Yoshua kadisola buga da Makeda, na kamkoma imndewa wa buga dijo kwa sime na kawakoma iwanhu wose wakalile mumo na hamulekile hata imoja. Kamtendela imndewa wa Makeda kamba viyamtendele mndewa wa ako Yeliko.

Yoshua 10:39

na wadisola buga dijo na vijiji vake. Wamkoma mndewa wake na iwenekae wose na hawamulekile hata munhu imoja kamba viwatendile kudibuga da Hebuloni na imndewa wake na kudibuga da Libina na imndewa wake.

Yoshua 11:11

Kaditowa buga dijo na kawakoma wose wakalile mumo, kuduhu munhu yakalile yasigale na kadisoma moto dibuga da Hazoli.

Yoshua 11:14

Waizilaeli wasola vinhu vose vikalile mna gamabuga gago na zifugo, lakini wawakoma iwenekae wose kwa sime, na hawamulekile hata munhu.

Yoshua 8:2

Ditendeleni buga da Ai na mndewa wake kamba vimuditendele buga da Yeliko na mndewa wake, lakini vinhu vake hamoja na fugo yake vonda musole vokuwa venu. Choleni mukaifise ili mudivamile buga dijo kubitila kukisogo.”

Yoshua 8:22

Wanhu wayagwe kulawa kudibuga wawezila, avo wakala hagati ya iwanhu wa Izilaeli, wayagwe mwambu uno na wayagwe mwambu uja. Waizilaeli wawakoma wose na kuduhu munhu yasigale hebu yatoloke.

Yoshua 9:3

Lakini iwenekae wa ako Gibeoni viwahulike kiyatendile Yoshua mna gamabuga ga Yeliko na Ai,

Ugubulo 18:21

Abaho, msenga imoja wa kuulanga yeli na udahi kenula dibwe diigalile na dibwe kulu da kudugila, kajasa mbahali kuno kolonga, “Vino vivo vonda jasigwe kwa nguvu, buga kulu da Babeli na honda joneke kabili.

1 Samweli 15:3

Avo genda ukawavamile Waamaleki na kuvinanga vinhu vao vose viweli navo, sambi muwaleke wagima, ila muwakome wambigalo kwa watwanzi na wana na ving'hele na ng'ombe na ng'hondolo na ngamiya na vihongwe.’”

1 Samweli 15:8

Kamgoga Agagi mndewa wa Waamaleki, yang'hali mgima. Na waja wayagwe kawakoma kwa sime.