Yoshua 5:6 - Biblia Kikutu

⁶ Kwavija iwanhu wa Izilaeli watembela kuluwala kwa miyaka malongo mane, mbaka iwambigalo wose wadahile kuchola kuing'hondo wafa, kwavija hawamtegeleze Mndewa Imulungu. Mndewa Imulungu kaiduwila kamba honda wayone isi ayo iyaiduwile kwa iwahenga zao kamba kotugwaa siye, isi imemile maziwa na uki.

Yoshua 5:6 ပူးပေါင်းရင်းမြစ်များ

Zabuli 107:4

Wakala tanga nzulule kuluwala, hawajone buga da kukala.

Kulawa 3:17

Na niye nilonga kamba nowalava mwiisi ya Misili kuna gamagazo, nowagala mwiisi ya Wakanaani na Wahiti na Waamoli na Wapelizi na Wahivi na Wayebusi mwiisi imemile uki na maziwa.’

Kulawa 3:8

avo nihumuluka ili niwakombole walawe mmakono gawa Misili na niwagale mwiisi ng'hulu na inogile, isi imemile uki na maziwa, isi ya Wakanaani na Wahiti na Waamoli na Wapelizi na Wahivi na Wayebusi.

Kupetigwa 14:23

koyona isi iniiduwile kwa wahenga zao kamba nowagwaa, vivija na iwanhu waja onibezeli niye honda wayone.

Kupetigwa 26:63

Wano awo wambigalo mna iwanhu wa Izilaeli wapetigwe na Musa na imulava nhosa Eleazali kudibawe da Moabu, behi na lwanda lwa Yolidani uilola na buga da Yeliko dikalile umwambu wa ulwanda.

Kumbukumbu 1:3

Siku ya ichanduso ya mwezi wa longo na moja, mwaka wa malongo mane, toka Waizilaeli viwasegele Misili, Musa kawalongela wanhu kila kinhu kiyamulagize Mndewa Imulungu yawalongele.

Kumbukumbu 2:14

Ibita miyaka malongo madatu na nane tangu vitusegele Kadeshi Balinea mbaka vitulokile bonde da Zeledi. Kipindi acho iwanhu wose wadahile kuitowa kuna ing'hondo wafa, kamba Mndewa Imulungu viyaiduwile wofa.

Kumbukumbu 2:7

“Mndewa Imulungu, Imulungu wenu kawatenda mumwede mna zisang'hano zenu zose za makono genu. Kawalola goya mmwanza wenu wose wa kukiwala kino kikulu. Miyaka yose ayo malongo mane Mndewa Imulungu, Imulungu wenu, kakala hamoja na mweye na hamuswelile kinhu chochose.

Kumbukumbu 8:4

Kipindi chose acho cha miyaka malongo mane, viwalo venu havilalile na magulu genu hagavimbile bule.

Waebulania 3:11

Nigevuzika na kuiduwila, ‘Honda wengile ng'o hanhu hangu ha kubwihila!’ ”

Yoshua 1:6

Ugangamale na uwe galu kwavija kowalongoza wanhu wano waisole isi iniiduwile kwa iwahenga zao kuwagwaa hewo.

Yoshua 24:7

Iwahenga zenu viwanililile niye Mndewa Imulungu, nika ziza hagati yao na Iwamisili na nitenda bahali iwagubike Iwamisili. Mweye mukona gaja ganitendile ako Misili. Mukala ako kuluwala kwa miyaka mingi.

Yoshua 5:5

Hamoja iwanhu wose walawile Misili wakala wengile kumbi, ila iwanhu wose waleleke mnzila kuluwala wakala wang'hali hawana kwingila kumbi.

Yoshua 5:7

Avo iwana wa wanhu awo Mndewa Imulungu kawakuza hanhu hao, na ndio awo wengizigwe kumbi na Yoshua. Awo wakala hawengizigwe kumbi mnzila.