Yoshua 4:3 - Biblia Kikutu

³ na walagize, ‘Soleni mabwe longo na mabili hano hagati ya ulwanda lwa Yolidani, kulawa aho hagemile gamagulu ga iwalava nhosa na mgasole mabwe gago mgagale hanhu honda muwase lelo.’”

Yoshua 4:3 ပူးပေါင်းရင်းမြစ်များ

Mwanduso 28:22

na hanhu hano hanisimike dibwe dino hokuwa ng'anda ya Imulungu na vose vonda ungwelele nokulavila fungu da longo.”

Zabuli 103:2

Gweye moyo wangu, mtogole Mndewa Imulungu, sikuuisemwe ganogile gake gose,

Zabuli 11:4

Mndewa Imulungu ka mng'anda yake ing'ala, kigoda cha undewa cha Mndewa Imulungu cha kuulanga, kwa meso gake kowalola iwanhu, na kojuwa gose gotendigwa.

Luka 19:40

Yesu kawedika, “Nowalongeleni, wahanyamala wano, mabwe goguta.”

Yoshua 24:27

Yoshua kawalongela iwanhu wose, “Loleni, dibwe dino dokuwa usindila kumwetu, kwavija dihulika mbuli zose ziyatulongele Mndewa Imulungu. Avo dokuwa usindila kumwenu, ili sikumumuleke Imulungu wenu.”

Yoshua 3:13

Kipindi magulu ga iwalava nhosa wadipapile disanduku da lagano da Mndewa Imulungu, Mndewa wa isi yose, gahakanyaga gamazi ga lwanda lwa Yolidani, gamazi ga lwanda lwa Yolidani goleka kukilima na gamazi gokilima kulawa mwambu wa uchanha goilundiza hamoja.”

Yoshua 4:4

Abaho Yoshua kawakema wanhu awo longo na wabili yakalile yawasagule kulawa hagati ha iwanhu wa Izilaeli, kila kabila munhu imoja.

Yoshua 4:8

Avo iwanhu wa Izilaeli watenda kamba Yoshua viyawalagize, na wasola mabwe longo na mabili hagati ha ulwanda lwa Yolidani, kamba vigeli makabila ga Izilaeli, kamba Mndewa Imulungu viyamulagize Yoshua. Wagapapa na wachola nago kuna ihanhu hawawasile na wageka hasi.

1 Samweli 7:12

Abaho Samweli kasola dibwe kadisimika hagati ya Misipa na Sheni, dibwe dijo kadikema Ebenezeli, kwavija kalonga, “Mbaka sambi Mndewa Imulungu katutaza.”