Yoshua 4:10 - Biblia Kikutu

¹⁰ Awo iwalava nhosa wadipapile disanduku da lagano wema hagati ya ulwanda lwa Yolidani mbaka kila kinhu vikimambukizwe kiyalagizwe Yoshua na Mndewa Imulungu, yawalongele iwanhu kamba Musa viyamulagize Yoshua. Wanhu waloka ulwanda himahima.

Yoshua 4:10 ပူးပေါင်းရင်းမြစ်များ

Zabuli 119:60

Nilopola na sikawile, kugagoga malagizo gako.

Kulawa 12:39

Kwavija wakala walopole kusegela mwiisi ya Misili hawadahile kutanda ndiya ya kuja mnzila, ila uja uusage ukandigwe bila kugeligwa hamila wiiyeka, avo woka magate hagageligwe hamila.

Nongezi 27:1

Sambi uitape mbuli ya mayo, hutanga choni chonda kilawile lelo.

2 Wakolinto 6:2

Imulungu kolonga, “Kipindi kinogile vikivikile cha kukonela bazi, nikutegeleza, kipindi cha kukukombola vikivikile, nikutaza.” Tegelezeni! Sambi acho kipindi kinogile, lelo dijo siku da kukomboligwa!

Kumbukumbu 31:9

Avo, Musa kandika malagizo gago, kawagwelela iwalava nhosa wa ulelo wa Lawi, awo wakalile odipapa disanduku da lagano da Mndewa Imulungu, na iwavele wose wa Izilaeli.

Yoshua 24:11

Abaho muloka ulwanda lwa Yolidani na kuvika ako Yeliko, ivilongozi wa Yeliko waitowa na mweye, vivija Waamoli na Wapelizi na Wakanaani na Wahiti na Wagiligashi na Wahivi na Wayebusi. Awo wose niwagela mmakono genu.

Yoshua 3:13

Kipindi magulu ga iwalava nhosa wadipapile disanduku da lagano da Mndewa Imulungu, Mndewa wa isi yose, gahakanyaga gamazi ga lwanda lwa Yolidani, gamazi ga lwanda lwa Yolidani goleka kukilima na gamazi gokilima kulawa mwambu wa uchanha goilundiza hamoja.”

Yoshua 4:11

Wanhu wose viwamambukize kuloka ulwanda, disanduku da Mndewa Imulungu na iwalava nhosa walawa kunze ya ulwanda kuno iwanhu wose owalola.

Yoshua 4:9

Abaho Yoshua kagasimika mabwe longo na mabili gakalile hagati ya Yolidani, hanhu aho hawemile iwalava nhosa wadipapile disanduku da lagano, na gang'hali baho mbaka lelo.