Yoshua 3:17 - Biblia Kikutu

¹⁷ Avo iwalava nhosa wakalile odipapa disanduku da lagano da Mndewa Imulungu wema wima mna iisi inyalile hagati ya ulwanda lwa Yolidani, na Waizilaeli wose waloka mna iisi inyalile mbaka iwanhu wose viwamambukize kuloka ulwanda lwa Yolidani.

Yoshua 3:17 ပူးပေါင်းရင်းမြစ်များ

Zabuli 66:6

Kahindula bahali iwa isi inyalile, waloka kwa magulu mgamazi. Avo, siye tomdeng'helela heyo.

Kulawa 14:21

Musa kaugolosa mkono wake uchanha ya bahali, na Mndewa Imulungu kaibweza bahali kukisogo kwa beho kulu kulawa mwambu wa kudilawilila zuwa. Beho dijo dibuma kilo kigima na kuigola bahali banzi mbili na hagati yake kulawilila isi inyalile.

Kulawa 14:22

Waizilaeli wabita hagati ya bahali, mwiisi inyalile, na ng'huta za mazi zikala mwambu wao wa mkono wa ukudila na wa ukumoso.

Kulawa 14:29

Lakini Waizilaeli wabita hagati ya bahali mna iisi inyalile, ng'huta za mazi ga bahali zikala zimile mwambu wao wa ukudila na mwambu wa ukumoso.

Kupetigwa 33:51

“Walongele Waizilaeli kamba vonda muloke lwanda lwa Yolidani na kwingila mwiisi ya Kanaani,

Waebulania 11:29

Wanhu wa Izilaeli kwa kutamanila waloka Bahali ya Shamu kamba isi inyalile, lakini Wamisili viwalondile kuloka wafa mgamazi.

Yoshua 4:1

Waizilaeli wose viwamambukize kuloka ulwanda lwa Yolidani, Mndewa Imulungu kamulongela Yoshua,

Yoshua 4:10

Awo iwalava nhosa wadipapile disanduku da lagano wema hagati ya ulwanda lwa Yolidani mbaka kila kinhu vikimambukizwe kiyalagizwe Yoshua na Mndewa Imulungu, yawalongele iwanhu kamba Musa viyamulagize Yoshua. Wanhu waloka ulwanda himahima.

Yoshua 4:11

Wanhu wose viwamambukize kuloka ulwanda, disanduku da Mndewa Imulungu na iwalava nhosa walawa kunze ya ulwanda kuno iwanhu wose owalola.

Yoshua 4:22

avo muwalongele, ‘Iwanhu wa Izilaeli waloka mna iisi inyalile mna ulwanda lwa Yolidani.’

Yoshua 4:3

na walagize, ‘Soleni mabwe longo na mabili hano hagati ya ulwanda lwa Yolidani, kulawa aho hagemile gamagulu ga iwalava nhosa na mgasole mabwe gago mgagale hanhu honda muwase lelo.’”

Yoshua 5:1

Baho iwandewa wose wa Waamoli wakalile okala umwambu wa kudihongela zuwa wa lwanda lwa Yolidani, na iwandewa wose wa Wakanaani wakalile okala behi ya bahali, viwahulike Mndewa Imulungu kaganyaza mazi ga lwanda lwa Yolidani mbuli ya iwanhu wa Izilaeli mbaka wose viwalokile, wadumba na kuduhu nguvu isigale kumwao mbuli ya iwanhu wa Izilaeli.