Yoshua 3:14 - Biblia Kikutu

¹⁴ Avo, wanhu wasegela kuna izing'hambi ili wachole kuloka ulwanda lwa Yolidani, na iwalava nhosa wadipapile disanduku da lagano walongola kuulongozi wa iwanhu.

Yoshua 3:14 ပူးပေါင်းရင်းမြစ်များ

Zabuli 132:8

Go Mndewa Imulungu, inuka uchole hanhu hako ha kukala, winuke na sanduku jako da lagano dili na udahi wako.

Kumbukumbu 31:26

“Soleni kitabu kino cha malagizo, mukike kumgwazo wa disanduku da lagano da Mndewa Imulungu, Imulungu wenu, kikale baho kamba usindila kumwenu.

Waebulania 9:4

Mgati yake kukala na upango wa zahabu wa kusomela ubani na sanduku da lagano dibakigwe zahabu mhande zose na mgati kwikigwa nongo ya zahabu ikigwe ndiya ikemigwa Mana na mkongoja wa Haluni uzukile majani na maluwa, na mabwe ga bambalagwe gandikigwe malagizo.

Yoshua 24:11

Abaho muloka ulwanda lwa Yolidani na kuvika ako Yeliko, ivilongozi wa Yeliko waitowa na mweye, vivija Waamoli na Wapelizi na Wakanaani na Wahiti na Wagiligashi na Wahivi na Wayebusi. Awo wose niwagela mmakono genu.

Yoshua 3:3

wawalongela iwanhu, “Mwahajona sanduku da lagano da Mndewa Imulungu, Imulungu wenu, dipapigwa na Walawi, iwalava nhosa, baho musonge kusegela na mudikweleleze,

Yoshua 3:6

Abaho Yoshua kawalongela iwalava nhosa, “Dipapeni disanduku da lagano, na mulongole najo kuulongozi wa iwanhu.” Avo wadipapa disanduku da lagano na walongola kuulongozi wa iwanhu.

Yoshua 6:6

Avo Yoshua mwanage Nuni kawakema iwalava nhosa kawalongela, “Dipapeni disanduku da lagano na iwalava nhosa saba wasole mhalati saba za ng'hondolo mbigalo walongole kuulongozi wa idisanduku da Mndewa Imulungu.”