Yoshua 24:31 - Biblia Kikutu

³¹ Avo iwanhu wa Izilaeli wamsang'hanila Mndewa Imulungu siku zose za ugima wa Yoshua, na siku zose za ugima wa iwavele wagendelele kukala wagima viyafile Yoshua, awo wagajuwile gose gayatendile Mndewa Imulungu kwa iwanhu wa Izilaeli.

Yoshua 24:31 ပူးပေါင်းရင်းမြစ်များ

Mwanduso 14:10

Bonde da Sidimu dikala dimemile masimo ga lami, avo wandewa wa Sodoma na Gomola viwakalile okimbila ing'hondo wadumbukila mumo, lakini wandewa wayagwe wasigale wakimbilila kuvigongo.

Sang'hano 20:29

Nojuwa goya nahasegela mbwizi wakali okwiza kumwenu, na odibananga bumbila dino.

Kumbukumbu 11:2

Lelo kumbukeni gaja gamuifunzile mbuli ya Mndewa Imulungu, Imulungu wenu kubitila gaja gamugonile. Mweye awo mugonile siyo wanenu, mweye mona ukulu wake na udahi wake na nguvu zake,

Kumbukumbu 11:7

Meso genu gazona mbuli zose ng'hulu, azo ziyatendile Mndewa Imulungu.

Kumbukumbu 31:13

Na awo iwanenu hawagajuwile, wagahulike na waifunze kumdumba Mndewa Imulungu, Imulungu wenu, kipindi chose vonda mukale mwiisi imuchola kuisola ako umwambu wa Yolidani.”

Kumbukumbu 31:29

Kwavija nojuwa vonda nife motenda gehile na kuileka nzila iniwalagize muikweleleze. Avo, mzisiku azo mopata mikubulo kwavija motenda gehile mgameso ga Mndewa Imulungu na momgevuza kwa ago gomsang'hana.”

Wafilipi 2:12

Mbwiga zangu siku zose vinikalile na mweye munitegeleza, na hata sambi nakutali na mweye wambeni kunitegeleza. Kwa bwembwe na kugwaya sang'haneni ili ukombola wenu utelele,

Wasemi 2:10

Abaho wanhu wose wa ulelo wa Yoshua wafa, avo walawila wanhu wa ulelo uyagwe awo hawamjuwile Mndewa Imulungu hebu kujuwa gaja gayawatendele iwanhu wa Izilaeli.

Wasemi 2:6

Yoshua viyawalagile Waizilaeli, kila munhu kachola aho kuwili uhazi wake, ili yakaisole isi yake.

Wasemi 2:7

Avo iwanhu wa Izilaeli wamsang'hanila Mndewa Imulungu siku zose za ugima wa Yoshua, na siku zose za ugima wa iwavele wagendelele kukala wagima viyafile Yoshua, awo wagonile gose gayatendile Mndewa Imulungu kwa iwanhu wa Izilaeli.