Yoshua 24:19 - Biblia Kikutu

¹⁹ Lakini Yoshua kawalongela iwanhu, “Mweye hamudaha kumsang'hanila Mndewa Imulungu, kwavija heyo Imulungu kang'ala, heyo Imulungu yeli na migongo, honda yagagele kumgongo gehile genu hebu nzambi zenu.

Yoshua 24:19 ပူးပေါင်းရင်းမြစ်များ

Zabuli 99:3

Wanhu waditogole twaga jake kulu da kudumbiza, heyo ayo yong'ala.

Zabuli 99:5

Mtogoleni Mndewa Imulungu, Imulungu wetu, fugameni hana ikigoda cha magulu gake, heyo ayo yong'ala.

Zabuli 99:9

Mtogoleni Mndewa Imulungu, Imulungu wetu, fugameni kulozela kulugongo lwake lung'ala, kwavija Mndewa Imulungu, Imulungu wetu kong'ala.

Kulawa 20:5

Sikuuvifugamile hebu kuvitambikila, kwavija niye Mndewa Imulungu wako nina migongo. Nowakoboza wana mbuli ya nzambi za tata zao, hata ulelo wa kadatu na wa ikane wa waja onihila.

Kulawa 23:21

Mumtegeleze na kugoga gaja gonda yawalongele. Sikummulemele, kwavija niye na hamoja nayo na honda yazigele kumgongo nzambi zenu.

Kulawa 34:14

“Sikumumtambikile imulungu yoyose iyagwe kwavija niye Mndewa Imulungu twaga jangu diyagwe yeli na migongo, niye na Imulungu mwene migongo.

Kulawa 34:7

Notenda gaja ganongile kwa maelufu ga ulelo na nogela kumgongo gehile na nzambi, lakini sileka kuwakoboza wana na wazukulu mbaka ulelo wa kadatu na wa ikane kwa nzambi za iwahenga zao.”

Walawi 10:3

Musa kamulongela Haluni, “Vino avo viyalongile Mndewa Imulungu, ‘Noilagusa kamba niye ning'ala kwa wanhu wose onda weze behi yangu, na notogoligwa mgameso ga wanhu wose!’” Haluni kanyamala tuluu.

Walawi 11:44

Niye na Mndewa Imulungu wenu, ilaveni wenyego kumwangu na muwe wanhu wang'alile kwavija niye ning'ala. Avo sikumuifitize kwa mng'onyo yoyose mwiisi.

Walawi 11:45

Kwavija niye ayo Mndewa Imulungu niwalavile mweye mwiisi ya Misili ili niwe Imulungu wenu, avo muwe wanhu wang'alile kwavija niye ning'ala.

Walawi 19:2

“Walongele wanhu wose wa Izilaeli, ‘Molondigwa mung'ale kamba niye Mndewa Imulungu wenu vining'ala.

Walawi 20:26

Kwavija niye Mndewa Imulungu wenu ning'ala, niye niwabagula mweye mna wanhu wa isi ziyagwe ili muwe wanhu zangu, avo muwe wanhu ong'ala.

Walawi 20:7

“ ‘Avo ilaveni kumwangu na muwe wanhu wang'alile kwavija niye ayo Mndewa Imulungu wenu.

Matayo 6:24

“Kuduhu munhu yodaha kuwasang'hanila wakulu wabili, kwavija komwihila imoja na kumnogela iyagwe, hebu koilumba na imoja na kumbeza iyagwe. Hamudaha kumsang'hanila Imulungu hamoja na mali.

Yoshua 24:18

Mndewa Imulungu kawawinga kuulongozi wetu iwanhu wose, awo Iwaamoli wakalile mwiisi ino. Avo na siye vivija tomsang'hanila Mndewa Imulungu, kwavija heyo ayo Imulungu wetu.”

Yoshua 24:23

Avo kawalongela, “Avo isegeseni imilungu ya isi ziyagwe ili hagati yenu, na mumgoge Mndewa Imulungu, Imulungu wa Izilaeli kwa mizoyo yenu yose.”

Lusi 1:15

Avo Naomi kamulongela, “Lusi, lola mzengele miyago kabwela ukae kumwake na kwa imilungu yake, na gweye vivija ubwele umkweleleze mzengele miyago.”

1 Samweli 3:14

Avo noiduwila mbuli ya ing'anda ya Eli kamba gehile ga ng'anda ya Eli hagaloholigwa kwa nhosa hebu kwa sadaka yoyose milele.”

1 Samweli 6:20

Abaho wanhu wa buga da Beti Shemeshi wailongela, “Nani yodaha kwima kuulongozi wa Mndewa Imulungu, ino Imulungu yang'alile? Na heyo kochola kwa nani kulawa hano kumwetu?”