Yoshua 24:18 - Biblia Kikutu

¹⁸ Mndewa Imulungu kawawinga kuulongozi wetu iwanhu wose, awo Iwaamoli wakalile mwiisi ino. Avo na siye vivija tomsang'hanila Mndewa Imulungu, kwavija heyo ayo Imulungu wetu.”

Yoshua 24:18 ပူးပေါင်းရင်းမြစ်များ

Zabuli 116:16

Go Mndewa Imulungu, niye na msang'hanaji wako, niye msang'hanaji wako, mwana wa mtumwa wako, kunifungula nzabi.

Kulawa 10:2

Avo, mweye muwasimulile wanenu na wazukulu zenu, viniwagelile bumbuwazi Wamisili kwa kutenda vilaguso hagati yao, na baho mweye mojuwa kamba niye na Mndewa Imulungu.”

Kulawa 15:2

Mndewa iyo nguvu zangu na lwila lwangu heyo iyo yanikombole. Heyo iyo Imulungu wangu, na niye nomtogola, na niye nomtogola Imulungu wa tatangu, na nomtambikila.

Kulawa 23:31

Zimbaka za isi yenu zokuwa kulawa bahali ya Shamu mbaka bahali ya Meditelania na kulawa kuluwala mbaka muulwanda lwa Fulate, kwavija nowagela wanhu wa isi ayo mmakono genu, na mweye mowawinga.

Sang'hano 7:45

Abaho, wahenga zetu wadibokele ajo dihema kwa wahenga zao. Wadipapa viwacholile hamoja na Yoshua na wachola najo mna ziisi ziyawabitize Imulungu. Disigala kuko mbaka kipindi cha Daudi.

Kumbukumbu 10:21

Heyo ayo wakuigodela, heyo ayo Imulungu wenu, yawatendele mbuli zino ng'hulu na zakudumbiza, zimonile kwa meso genu wenyego.

Kumbukumbu 33:27

Imulungu wa milele heyo wakumkimbilila mweye, kawapapa mmakono gake milele. Kawawinga wanhu owehila mgameso genu, kawalagiza, “Wabanangeni.”

Yoshua 23:9

Kwavija Mndewa Imulungu kawawinga kuulongozi wenu iwanhu wa isi zili na nguvu na wengi na kuduhu munhu yahadile kuwahuma mweye mbaka vino lelo.

Yoshua 24:17

kwavija Mndewa Imulungu, Imulungu wetu katulava siye na iwahenga zetu ako mwiisi ya Misili, kutukalile watumwa, na katenda vilaguso vikulu mgameso getu na katukaliza mna inzila yose itubitile mna ziisi za iwanhu watubitile hagati yao.

Yoshua 24:19

Lakini Yoshua kawalongela iwanhu, “Mweye hamudaha kumsang'hanila Mndewa Imulungu, kwavija heyo Imulungu kang'ala, heyo Imulungu yeli na migongo, honda yagagele kumgongo gehile genu hebu nzambi zenu.