Yoshua 24:14 - Biblia Kikutu

¹⁴ “Avo sambi mdumbeni Mndewa Imulungu na mumsang'hanile kwa mizoyo yenu yose. Muisegese imilungu iwaisang'hanile iwahenga zenu ako umwambu wa ulwanda na ako Misili, na mumsang'hanile Mndewa Imulungu.

Yoshua 24:14 ပူးပေါင်းရင်းမြစ်များ

Mwanduso 17:1

Abulamu viyavikize miyaka malongo tisa na tisa, Mndewa Imulungu kamulawilila, kamulongela, “Niye na Imulungu yeli na Udahi wose, nhegeleze na utende ganogile.

Mwanduso 35:2

Yakobo kawalongela wanhu wa mng'anda yake, na wose wakalile hamoja na heyo, “Segeseni minyago yenu ili kumwenu, isunheni, mkasaule viwalo venu.

Zabuli 111:10

Kumdumba Mndewa Imulungu acho chandusilo cha ubala, wose ogagoga malagizo gake ogweleligwa nzewele. Nhogolwa zake zosigala milele.

Zabuli 119:1

Wamweda iwanhu okala bila kitala, awo ogagoga malagizo ga Mndewa Imulungu.

Zabuli 119:80

Moyo wangu utelele kwa kugoga malagizo gako, ili sikunigwe kinyala.

Zabuli 130:4

Lakini kumwako kuna kugela kumgongo, ili gweye udumbigwe.

Zabuli 81:10

Niye ayo Mndewa Imulungu wako, nikulavile mwiisi ya Misili. Yahama mulomo wako na niye nokudima.”

Walawi 17:7

Avo wanhu wa Izilaeli waleke kuvilavila nhosa vinyamkela vikoneka kamba mbuzi, mbuli iwatendile wamuleke Imulungu kamba munhu yotenda ugoni. Lagizo dino dokuwa da siku zose kwa ulelo wao wose.’

Luka 8:15

Lakini mbeyu zilagalile hali na udongo unogile zolagusa wanhu waja iwohulika mbuli ya Imulungu na kuika mmizoyo yao na kuitogola, ofunga umoyo mbaka olela matunda.

Sang'hano 9:31

Avo kipindi acho vibumbila va wanhu wamtogole Yesu vikala moyo hole kila hanhu kuko Yudea na Galilaya na Samalia. Kubitila Loho Yang'alile yakalile yowagangamiza wanhu, wanhu ongezeka ng'hani viwakalile okala kwa kumdumba Mndewa.

2 Wakolinto 1:12

Siye toigodela kinhu kimoja, mizoyo yetu yotulongela vitukala mwiisi ino, ng'hani ng'hani vituilumba na mweye, kwa kung'ala na ukweli kulawa kwa Imulungu. Tutenda vivo siyo kwa kulongozigwa na nzewele za wanhu wa mwiisi, lakini kwa ng'hekewa ya Imulungu.

Waefeso 6:24

Ng'hekewa ya Imulungu ikale na wanhu wose omnogela Mndewa wetu Yesu Kilisito kwa unogelwa wa milele.

Kumbukumbu 10:12

“Avo mweye wanhu wa Izilaeli Mndewa Imulungu, Imulungu wenu kolonda choni kumwenu, ila mumdumbe Mndewa Imulungu, Imulungu wenu, muzikweleleze nzila zake zose, mumnogele na mumsang'hanile Mndewa Imulungu, Imulungu wenu, kwa mizoyo yenu yose na kwa loho zenu zose,

Kumbukumbu 18:13

Molondigwa mutelele mgameso ga Mndewa Imulungu, Imulungu wenu.

Kumbukumbu 6:13

Mdumbeni Mndewa Imulungu, Imulungu wenu, mumsang'hanile heyo yaiyeka, na muiduwile kwa twaga jake.

Wafilipi 1:10

ili mudahe kusagula kinhu kinogile. Baho mong'ala na mokuwa mduhu kitala chochose mbaka mna isiku ya kubwela Kilisito.

Yoshua 24:2

Yoshua kawalongela iwanhu wose, “Mndewa Imulungu, Imulungu wa Izilaeli kolonga, ‘Ako umwaka iwahenga zenu wakala ako umwambu wa lwanda lwa Fulate, Tela tatao Abulahamu na Naholi, waisang'hanila imilungu iyagwe.

Yoshua 24:23

Avo kawalongela, “Avo isegeseni imilungu ya isi ziyagwe ili hagati yenu, na mumgoge Mndewa Imulungu, Imulungu wa Izilaeli kwa mizoyo yenu yose.”

1 Samweli 12:14

Kamba mwahamdumba Mndewa Imulungu na kumsang'hanila na kumtegeleza bila kubena malagizo gake, mweye hamoja na mndewa wenu yowatawala, mwahamuinza Mndewa Imulungu, Imulungu wenu, heyo kowatendela ganogile.

1 Samweli 12:24

Avo mweye mdumbeni Mndewa Imulungu na mumsang'hanile kwa mizoyo yenu yose ilibule lusikisiki. Gelegezeni gaja ganogile gayawatendele.

1 Samweli 7:3

Samweli kawalongela Waizilaeli wose, “Kamba mwahalonda kumbwelela Mndewa Imulungu kwa mizoyo yenu yose, muileke imilungu iyagwe na minyago ya Ashitoleti, na mumgoge Mndewa Imulungu na mumsang'hanile heyo yaiyeka, na heyo kowagombola kulawa mmakono ga Wafilisiti.”