Yoshua 23:13 - Biblia Kikutu

¹³ avo mujuwe kamba Mndewa Imulungu, Imulungu wenu honda yawawinge kuulongozi wenu iwanhu wa isi azo, lakini okuwa ng'hwalo na mtego kumwenu. Okuwa kamba mibalati ya kuwazabulila na kamba miba ya kuwahoma mgameso genu, mbaka vonda mubanangigwe wose na kusegela mwiisi ino inogile iyawagwelele Mndewa Imulungu, Imulungu wenu.

Yoshua 23:13 ပူးပေါင်းရင်းမြစ်များ

Zabuli 69:22

Imeza itandigwe kuulongozi wa hewo iwe mtego, na wagogwe mzinyimwilinyimwili zao.

Kulawa 10:7

Watawala wa Falao wamuuza, “Vino, munhu ino kotugaza mbaka lini? Waleke Waizilaeli wasegele, wakamtambikile Mndewa Imulungu wao. Vino hulola kamba isi ya Misili yobanangika?”

Kulawa 23:33

Sikumuwatogolele wakale mwiisi yenu, sikuwawahonze munhende nzambi. Kamba mwahaitambikila milungu yao, awo okuwa mtego wa kuwanamata.”

Kulawa 34:12

Loleni, sikumutende lagano na wanhu wa isi imugenda, kwavija mbuli ayo yokuwa mtego wa kuwanamata.

Kulawa 34:16

na wabwanga zenu wahasola wandele zao, na wandele awo owalongoza wabwanga zenu kuitambikila imilungu yao.

Kupetigwa 33:55

Lakini kamba tanhu hamuwawinga iwenekae wa isi ayo, avo awo onda muwaleke okuwa kamba vibanzi mgameso genu hebu kamba miba mzimbavu zenu, na owagaza ng'hani.

Luka 21:24

Wayagwe okomigwa kwa panga, na wayagwe osoligwa na kugodekigwa mziisi zose, na wanhu haweli Wayahudi odihondahonda buga da Yelusalemu, mbaka kipindi chao vonda kimale.

Kumbukumbu 29:28

avo, Mndewa Imulungu kawang'ola kulawa mwiisi yao kwa ng'hasiliki na kugevuzika na kawasa mna iisi iyagwe, kamba viikoneka lelo.’

Kumbukumbu 30:18

niye nowalongela lelo kamba mokomigwa. Honda mukale kwa siku nyingi mna iisi yumuchola kuisola, umwambu wa lwanda lwa Yolidani.

Kumbukumbu 4:26

avo niye lelo noukema ulanga na isi vilole mbuli ino, nowalongela kamba, kwa mwanza umoja mokomigwa kuko mwiisi yumuchola kuisola ako umwambu wa lwanda lwa Yolidani. Hamukala kuko kwa siku nyingi, lakini mokomigwa mose.

Kumbukumbu 7:16

Muwakome wanhu wose wa isi zose Mndewa Imulungu, Imulungu wenu yazigelile mmakono genu, na sikumuwonele bazi. Sikumvitambikile vinyago vao, kwavija mbuli ayo yowahonza.

2 Timoseo 2:26

Abaho nzewele zao zowabwelela na olawa mumtego wa Mwenembago, yawagogile na kuwatenda wagagoge goyolonda.

Wasemi 2:21

siwawinga ng'o iwanhu wa isi zisigale, isi ziyazilekile Yoshua kipindi viyafile,